Amakúlu ge Entumwa 7

42 Ha bwéecho Múungu yaábatega omugoongo, yaábaleka balamye izóoba, okwéezi, ne enyenyéezi zo omu igulu, nko óokwo byaayaandikilwe omu chitabu cha ababáasi,

‘Íimwe Abaiziraeli, obuchilo mweekeele omu nsi yo obwoóma muno ha myáaka makúmi aána,

ngási, mukaba nimuumbaagila íinye ebituungaánwa mubóne kuúnsoholeza ebitáambo? Mmahi!

43 Íimwe mukaba nimwiimucha iheéma lya múungu weenyu Moloki,*7:43 Moloki: Ni izíina lya múungu ayaalamizwe na abaantu Abaamoni, niwe múungu wáabo wi izóoba no omulilo, káandi ayaatégekile. Abaamoni no óobu Abaiziraeli bakéeta abáana báabo habwo óogwo múungu wáabo. Osome 1 Abakáma 11:7.

ne enyenyéezi za múungu weenyu Refani.*7:43 Refani: Ni izíina lya múungu ayaalamizwe na abaantu ba Miísiri, niwe múungu wáabo wa sitiari elikwéetwa, Saturni.

Ebisusano éebyo mweékoliile, no kubilamya.

Ha bwéecho, ndyaábakola mube enkwáate,

mulyaátwáalwa éensi za hala bwooli, no óobu kutaámbuka éensi ya Babéeli.’✝7:42-43 Osome Amosi 5:25-27."