João 8

1 Niho abo bóona baalugáyo okwo, baásuba omúka. Yeézu yaázeenda ahi ibaanga lye Emizeituni.

Omukázi óogwo ayaakwáasilwe omu busaambani

2 Óobu haáchíile, Yeézu yaázeenda káandi omu lubúga lwe éenzu ya Múungu. Abaantu bóona baamwiizáho, náwe yeékala, yaábaanza kubeégesa. 3 Niho, abeégesa be ebilagilo bya Musa*8:3 Abeégesa be ebilagilo bya Musa: Habwo obusoomboozi bwooli osome Obusoomboozi habwa Amagaambo Agagumile. na Abafarisayo, baámuléeta omukázi óogwo akaba akwaásilwe omu busaambani, baámuta ahagáti ye embága ya abaantu. 4 Mala baámugaambila Yeézu báti, "Mweégesa, ogu mukázi, yaákwáatwa naasaambana. 5 Mbwéenu, omu bilagilo byéetu, Musa akatulagila kwiita omukázi nko ogu, ha kumuhoonda na amabáale.✝8:5 Osome Amagaambo ga Abaláawi 20:10; Okwiizukwa kwe Ebilagilo 22:22-24. Mbwéenu, íiwe noogaámbáho oóta?" 6 Boónyini bakamubúuza bátyo Yeézu habwo kumuleengesa, babone kubonesa omuháanda gwo kumulégelela. Náho Yeézu yeénama, yaábaanza kwaandika ahaansi no olukumu lwoómwe. 7 Obu baázeendeliile kumubúuza, Yeézu yeénamuluka, yaábagaambila aáti, "Kaálaaba aliho omuuntu omuli íimwe óogwo achaáliga kuhena no óobu entúlo eémo, ogwo aábe owo kubaanza kumuhoonda ibáale ogu mukázi." 8 Mala, Yeézu yeénama káandi ahaansi, yaázeendelela kwaandika ahi itaka. 9 Obu baáhuliile ago magaambo, baálegelelwa ne emiganya yáabo,*8:9 Baálegelelwa ne emiganya yáabo: Amagaambo aga tigali omu maandiko agáandi ge Chiyunani. baábaanza kunyoloomboka oómo oómo, kubaandiza abanyaampala. Ha muheleeluko, Yeézu yaasigalaho weénka no ogwo mukázi, ogu mukázi yaásigala ayemeeliile omu méeso goómwe. 10 Niho Yeézu yeénamuluka, yaámubúuza aáti, "Íiwe mukázi, bali nkáhi áabo abalikukulegelela? Ngási, táliho óogwo ayaásigalila abone kukuchwaáziikila?" 11 Yaámugalulila aáti, "Mukáma, tiyaásigalilaho no óobu oómo." Niho, Yeézu yaámugaambila aáti, "Nóobu íinye tiínkukuchwaaziikila. Zeénda, náho kubaandiza leélo éeli, otahena káandi."]