16 Káyaabaliile, yaásuba omúka Nazaréeti, omu muzihwa óogwo yaalezilwe. Na aha chilo che Endaálikizo,4:16 Endaálikizo: Habwo obusoomboozi bwooli osome Obusoomboozi habwa Amagaambo Agagumile. nka nikwo yaabele amanyiile, akataaha omu isomelo, yeémuka, yaáyemeelela abone kusoma echigaambo cha Múungu. 17 Akahaabwa echitabu cho omubáasi Isaya, yaáchifuúndula, yaáloondela ahaándikilwe,
18 "Omwooyo gwo Omukáma Múungu, guli hamo neenye,
habwo kuba, antoólize kubamanyisa abahabi Empola Nzima.
Yaánsiíndika mbone kubamanyisa embóhe,
kukomoololwa kwáabo,
no kubamanyisa abahume,
kubona kuhweeza káandi,
na áabo abalikwaágalazibwa,
mbachuúngule.
19 Mbone kuboólekeelela abaantu,
omwáaka óogwo Omukáma Múungu alaáyoleka engoonzi zoómwe."4:18-19 Osome Isaya 61:1-2.
20 Káyaamazile kusoma ebigaambo ebyo, Yeézu yaáfuundikila echitabu, yaámusubiza omuheéleza, mále yeékala. Na abaantu bóona áabo abaabeele bali omu isomelo, bakaba nibamutukuliza ha kumukómela améeso. 21 Niho yaábaanza kubagaambila, "Echaandiko éecho mwaáhulila, leélo ezi chaáhikiilizwa omu méeso géenyu."