Mateus 16

Ameégeso ge ebisuba ga Abafarisayo na Abasadukayo

5 Mbwéenu, abaheémba ba Yeézu baáyaambuka buseeli bwe enyaanza, náho bakeebwa kuzeenda ne emikaate. 6 Yeézu yaábagaambila aáti, "Mube méeso, mweécheenge ni ituumbyo*16:6 Ituumbyo: Ituumbyo omulimo gwaályo no kutuumbisa obusaano bubone kutuumba. Bityo nyini ameégeso ge ebisuba nigasíisa bóona omu kubéehwa. Aha, Yeézu naayiinganisa ituumbyo éelyo na kusunika kubi óokwo Abafarisayo na Abasadukayo bakaba nibakola ha baantu. Obusuniki bwa Abafarisayo bukaba buli obwa ameégeso ge ebisuba. lya Abafarisayo na Abasadukayo." 7 Abaheémba boómwe baábaanza kuteéka téeka báti, "Naagaámba aátyo habwo kuba titwaáleeta emikaate."

8 Yeézu akamanya ebyo bakaba nibateékateéka, yaágaamba aáti, "Íimwe abaantu bo okwiikiliza kuche! Ha bwaáchi íimwe nimuteékateéka mweénka nka nikwo mutéena emikaate? 9 Kuhika óobu, mucháali kusoombookelwa? Timukwiizuka nka nikwo abaantu ebihuumbi bitaanu bakahaaga emikaate ezo itaanu? Amasaága mukeezuza ebitukulu biingáhi? 10 Nali timukwiizukila aha mikaate ezo musaanzu ha baantu ebihuumbi bina? Amasaága mukeezuza ebitukulu biingáhi? 11 Ha bwaáchi mwaásíingwa kusoombookelwa nka nikwo áago naágaamba ti habwe emikaate? Mbwéenu, éecho ndikugaamba ni nka nikwo, mweécheenge ni ituumbyo lya Abafarisayo na Abasadukayo." 12 Niho, abaheémba boómwe kusoombookelwa nka nikwo akaba atakuhooyela ha kweécheenga ni ituumbyo lyo kutuumbisa emikaate, náho ha kweécheenga na ameégeso ge ebisuba ga Abafarisayo na Abasadukayo.