Omukúlu abakolele áabo alikweébeembelela
20 Niho, nyina wa batábani ba Zebedayo yéeza hali Yeézu ali hamo na abatábani bábili, yaáhika yaáteela ebizwi, yaámusaba amukolele echiintu chimo. 21 Yeézu yaámubúuza aáti, "Nooyeénda nkukolele chiíha?" Náwe yaámugalulila aáti, "Niinsaba obeékililize abáana baanze aba bábili nka nikwo, beekale hamo neewe omu bitébe byo obuzizi omu bukáma bwaawe, oómo olubazu lyo obúlyo no oóndi olubazu lyo bumoso."
22 Yeézu yaámugalulila aáti, "Timukusoombookelwa éebyo mulikusaba. Ngási, mukaáhicha kunywéela echikóombe chi ndinywéelaho íinye?"20:22 Mukaáhicha kunywéela echikóombe chi ndinywéelaho íinye: Ensoonga eéndi ni nka nikwo, Ngási, nimuhicha kwaágalala nko óokwo ndikuza kwaágalala? Baámugalulila báti, "Nitúhicha." 23 Yeézu yaábagaambila aáti, "Mazima, nimuchinyweélaho echikóombe éecho íinye ndi kunywéelaho, náho kwíikala olubazu lwaanze lwo obúlyo nali lwo bumoso ti mulimo gwaanze kubakuúndila. Omwáanya ogwo na habwa áabo Táata yaámazile kubaloongeza."
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)