Matayo 21

Yeézu naabiínga abasúluza kuluga omu nzu ya Múungu

12 Niho Yeézu yaátaaha omu lubúga lwe éenzu ya Múungu. Obuchilo kayataahile omwo, yaábasaanga béenzi abaabeele nibaguza no kugula ebiintu omwo, yaábabiinga bóona. Yaánaga naga emeéza za abaabeele nibahiínga empilya, no kubinaga naga ebitébe bya abaabeele nibaguza ebiiba. 13 Yeézu yaábagaambila aáti, "Eyaandikilwe omu Maandiko Matakatíifu eéti, ‘Éenzu yaanze elyáaba éenzu yo kusabilamo.’✝21:13 Osome Isaya 56:7. Náho íimwe, nimuzihiindula kuba ‘enyaanga ya abasaakuzi.’✝21:13 Osome Yeremia 7:11."