Yeézu naakáama Abafarisayo na abeégesa be ebilagilo bya Musa
1 Mbwéenu, Yeézu yaábagaambila embága za abaantu na abaheémba boómwe nka nikwo, 2 "Abeégesa be ebilagilo na Abafarisayo beena obuhicha bwo kweégesa abaantu ebilagilo bya Musa. 3 Ha bwéecho, mukoondoókele kuluunzi áago balikubeegesa no kugakola góona. Náho mutaákuba nimukulaatila ebikolwa byáabo, habwo kuba boónyini tibakukola éebyo balikubeegesa. 4 Boónyini bakoma ebilagilo byóona nke ensáho elikulemeela no kuzitwéeka abaantu aha mabega, náho boónyini tibakweenda kugolola no óobu olukumu lúmo babone kubahweela kuziímucha. 5 Góona ago bakola, bakola babone kweéyoleka aha baantu. Óoku balikuzwáala omu buso bwáabo no omu ngalo záabo ebinogóka biháango bye eémpu biina amagaambo ge ebilagilo,23:5 Ebinogóka biháango bye eémpu biina amagaambo ge ebilagilo: Omu ebinogóka éebi, bikaba byaandíkilwe amagaambo ge ebinogoka bísatu éebyo bili omu Endagano ya Kala, no Okuluga 13:1-16; Okwiizukwa kwe Ebilagilo 6:4-9; 11:13-21. Omukwaáta Muyahudi we emyáaka ikúmi ne isatu akaba azwaala ebinogóka éebyo omu buso no omu ngalo yo obumoso obuchilo bóona bwe esaala. no kwoongela olukugilo lwe emyéenda yáabo ye esaala23:5 Olukugilo lwe emyéenda yáabo ye esaala: Abeégesa be ebilagilo bya Musa na Abafarisayo bakaba nibaabazíila olukugilo lwe emyéenda záabo kuba ndeehi bwooli kuboóleka abaantu kuba boónyini bagololokile bwooli omu méeso ga Múungu. Bityo nikwo Múungu yaabalagíile omu bilagilo. Osome Okubala 15:37-41; Okwiizukwa kwe Ebilagilo 22:12. zibe ndeehi kuchila eza abáandi. 6 Omu bilo bya amazenyi, baba abalikweenda kwíikala omu bitébe bya abazenyi abeena isima. No óobu omu masomelo gáabo, baba abalikweenda kwíikala omu bitébe bya abakúlu. 7 Káandi, beenda baángalúchwe na abaantu habwi isima omu magulizo, na nka nikwo babe nibeétwa, ‘Mweégesa.’