Jwanꞌ ndaꞌ Mbi Nayon
1 Wes na, ptan na, ncholas na jwin yen goꞌ xa nak re jwanꞌ ta ndala’s Mbi Nayon.
2 Pte’la’s go' lo senꞌ teraꞌ li lazoꞌ goꞌ Jesucrist, ngeteta’b go' lo jwan' narax ndyonke go' xis re mnab ta naꞌndyodiꞌsta. 3 Jwanꞌ nasa, ncholas na nye goꞌ, ke nek thib men ta ndono Mbi Nayon, naꞌnkeꞌdeda xaꞌ xis Jesús, nde tagaꞌ nek thib xaꞌ ta naꞌndonoda Mbi Nayon naꞌtoyalta gab xaꞌ ke Jesús nak Xaꞌ Nyebeꞌ.
4 Naya, nzo naꞌr ned jwanꞌ ndaꞌ Dios toyal li men, per thibta Mbi Nayon jwanꞌ ndaꞌy. 5 Nde nzo naꞌr ned sinꞌ li men lo Dios, per thibta Xaꞌ Nyebeꞌ nzo. 6 Nde xaxa' mod ndli Dios re jwan', per thipta Xa' ndli sa li mena. 7 Nde thiba lo men ndloꞌ Dios jwanꞌ ndaꞌ Mbi Nayon, sa thita la’sto men ta men.