2 Coríntios 9

6 Ptelaꞌs goꞌ jwanꞌ reꞌ: Men jwanꞌ ngo lud bin, tagaꞌ lud jwanꞌ thop xaꞌ; leꞌ men ngo bro bin, tagaꞌ bro jwanꞌ thop xaꞌ. 7 Thib thiba goꞌ, ptaꞌ goꞌ jwanꞌ xa nziꞌb lazoꞌ goꞌ; na’konabilta lazo' go' ta' go’y, nekla tak mbez men taꞌ goꞌy, tak Dios, nkeꞌ lazoꞌ Xaꞌ men jwanꞌ nale nzo lazonꞌ ndaꞌy. 8 Nde naro toz nak Dios sa li Xaꞌ yaꞌr reta ned yalwen jwanꞌ ndaꞌ Xaꞌ lo goꞌ, sa thiblaꞌ keno goꞌ reta jwanꞌ nakinꞌ goꞌ nde keno goꞌ bro toza, sa laꞌsto goꞌ men lo re sin' wen, 9 jwanꞌ xa nchabka lo xkiꞌs Dios:

Mdiꞌd xaꞌ re chan' xa', mda' xa’y lo re men prob,

thiptane nchanꞌ reta jwanꞌ galꞌ ndli xaꞌ.*9:9 Sal. 112:9.

10 Nde Xa' jwan' ndaꞌ mbis nxenꞌ re men ngo bin nde Xaꞌ ndaꞌ jwanꞌ ncha men,*9:10 Is. 55:10. Xa' yaga taꞌ lo goꞌ reta jwanꞌ nakinꞌ goꞌ sa xyen chenꞌ goꞌ nde xyen reta yalwen ndli goꞌ. 11 Tamod sa keno goꞌ reta ned jwanꞌ, nde toyal taꞌ goꞌy dib nzo lazoꞌ goꞌ. Nde lo ta telꞌ goꞌ gon we náꞌ lo re wes, jwan’na li sa re xaꞌ taꞌ dyux lo Dios. 12 Tak gon ta telꞌ goꞌ lo re wes, naꞌnakte benꞌta laꞌstoy xaꞌ lo jwanꞌ nakinꞌ xaꞌ, noga liy sa taꞌ toz xaꞌ dyux lo Dios.