12 Lenꞌ linꞌ ya, Galión nak xaꞌ nyebeꞌ lo xyon Akaya, zyasa re xaꞌ judí thita ngok diꞌs xaꞌ sa keꞌ xaꞌ yalke yek Pab nde mbeꞌ xaꞌ Pab yolow, 13 sa nchab xaꞌ:
—Mbiꞌ reꞌ, ngetetokilꞌ re men sa xobyek men Dios ti mod naꞌngenida ley.
14 Le’ja tyobte kab Pab, ner Galión nchab lo re xaꞌ judí:
—Re goꞌ men judí, tez ngaka nchap xaꞌ reꞌ cho yalke o tez nchap xa' yalke ro jwan' mbij xaꞌ men, zyasa ndabloga wiꞌn chenꞌ goꞌ. 15 Per tez napta diꞌsa, beꞌn le mena nde ley chanꞌ goꞌy, leꞌga goꞌ bwiꞌy, tak naꞌncholasta na goxyon jwanꞌna.
16 Nde mbloꞌte xaꞌ xaꞌ lenꞌ yolow. 17 Zyasa reta xa' mxenta, mxen xaꞌ Sóstenes, xaꞌ jwanꞌ nyebeꞌ lenꞌ yo tenꞌ ndyop men Israel nde tyaga lo re xaꞌ yolowa mdin xaꞌ xaꞌ, anaꞌndyo Galión jwanꞌna.