Re xaꞌ ndli lazonꞌ Jesús nyaꞌb xaꞌ yone lazoꞌ xaꞌ
23 Senꞌ lo mblaꞌ xa' Pedr kon Juan, mbere rop xaꞌ tenꞌ nzi masraꞌ ta xaꞌ, nde mdej xaꞌ re jwanꞌ nchab re ngwleyꞌ nyebeꞌ nde re xaꞌ gox jwan' nak sin' lo xa'. 24 Senꞌ mbin xaꞌ jwanꞌna, thipta mbrez re xaꞌ lo Dios, nchab xaꞌ:
—Xaꞌ Nyebeꞌ dib nax izyo, lu nak Dios, Xaꞌ mtoxkwaꞌ beꞌ, izyo, nittoꞌ nde reta jwanꞌ nzoy.4:24 Ex. 20:11; Sal. 146:6. 25 Lu mtob diꞌs ro David xaꞌ mbli sinꞌ loa, senꞌ nchab la:
¿Kwan liy nchak bxol reta men?
¿Kwan liy sa re men yez ndli xaꞌ xgab li xa' jwan' na’lid sinꞌ?
26 Mdyopbe re men nak rey lo izyo,
nde thipta ngok re men nak sinꞌ ro,
sa mbyiꞌno xaꞌ Dios nde mbyiꞌno xaꞌ Xaꞌ mtelꞌ Dios.4:26 Sal. 2:1-2.
27 ’Tak len' yez re', rey Herodes,4:27 Lc. 23:7-11. Poncio Pilat4:27 Mt. 27:1-2; Mr. 15:1; Lc. 23:1; Jn. 18:28-29., re xaꞌ naꞌnakta Israel nde re xaꞌ nak Israel, liga thipta ngok re xa' sa mbyiꞌno xaꞌ Xinꞌ la Jesús, Xaꞌ Nayon ta mtelꞌ la. 28 Chemod sa mbli re men reta jwanꞌ nakla xgab la, re jwanꞌ mtan’la lu ak. 29 Nde naya, Xaꞌ Nyebeꞌ, bwiꞌ plopa nzeb xaꞌ re náꞌ ta ndli sinꞌ loa, jwanꞌ nasa nyaꞌb náꞌ loa blaꞌsto náꞌ sa yo ne lazo' náꞌ todiꞌs náꞌ xkiꞌs la, 30 laja ptoga' yaꞌa sa dyanꞌ re men nayiz, ak re yalnaro nde ak re jwanꞌ nzoyen men, por lo le xinꞌ la Jesús Xaꞌ Nayon.
31 Senꞌ mne mdodiꞌsno xaꞌ Dios, le' tenꞌ nzidop xaꞌ mbwin ti xo, nde dib ben reta xa' mdeꞌ Mbi Nayon, nde naꞌnzyeb tirta xaꞌ ndej xaꞌ xkiꞌs Dios lo re men.