14 Leꞌ Diꞌs ya ngok men, ngo Xaꞌ xij naꞌ, dib Xaꞌ ndono yalwen nde jwanꞌ lipa. Nde mbwiꞌ náꞌ yalnaro chanꞌ Xaꞌ, ti yalnaro jwanꞌ xaga Xa' nak thib nya Xinꞌ Dios. 15 Juan mdej kwent chanꞌ Xaꞌ nde ne mbrez Juan, nchab Juan:
—Xaꞌ reꞌ nak Xaꞌ jwanꞌ ta ndej na, senꞌ lo nchab na: Xaꞌ jwanꞌ nde xis na nzola Xaꞌ axta pola, tak nerla Xaꞌ nzo ke na.
16 Tak reta yalwen toz chanꞌ Xaꞌ nkayaꞌ naꞌy nde nzoꞌb xista nde yalwen. 17 Leꞌ ley mdaꞌ Dios por Moisés, leꞌ yalwen nde jwanꞌ lipa mdaꞌ Dios por Jesucrist.