João 1

45 Leꞌ Blib mzyal Natanael, nde nchab Blib:

—Mzyal náꞌ Xaꞌ ta mdej Moisés lo ley nde Xa' yaga ta mdej re profet, Xaꞌ ya nak Jesus, xinꞌ José xaꞌ yez Nazaret.

46 Natanael nchab:

—¿Cho nyea yez Nazaret ryo' ti jwan' wen?

Leꞌ Blib nchab:

—De sa wiꞌa.

47 Senꞌ mbwiꞌ Jesus ndegax Natanael, nchab Jesus:

—Ncheꞌ nde ti xaꞌ nakpa men Israel, ti xaꞌ jwanꞌ naꞌngenta yalkwinꞌ lazonꞌ.

48 Zya nchab Natanael lo Jesus:

—¿Cho nyea nzoloa na?

Jesus mkab lo Natanael:

—Lo tera' kwes Blib la, senꞌ ndoa xanꞌ ya hig, tya mbwiꞌn la.

49 Natanael mkab:

—Maestr, ¡Lu nak Xinꞌ Dios, lu nak Rey lo men Israel!

50 Jesus mkab lo Natanael nde nchab Jesus:

—¿Cho lo ta nin loa: "mbwiꞌn la ndoa xanꞌ ya hig," sa ndli lazoꞌa na? Naraꞌ wiꞌa mas jwanꞌ naro ke jwanꞌ reꞌ.

51 Noga nchab Jesus:

—Gal' di’s nin lo go', xata naya tyobte wiꞌ goꞌ xyalꞌ lo beꞌ nde re ánj chanꞌ Dios nchap xaꞌ nde ndlya xaꞌ*1:51 Gn. 28:12. tenꞌ ndo Xinꞌ Mbiꞌ.