João 11

21 Zyasa nchab Mart lo Jesus:

—Xaꞌ Nyebeꞌ, ngaka ndoa ncheꞌ, naꞌngajta ptanꞌ na. 22 Nde naya mnen, reta jwanꞌ nyaꞌb la lo Dios, Dios taꞌy loa.

23 Jesus nchab lo Mart:

—Leꞌ ptanꞌ la ryoꞌxban.

24 Mart mkab lo Jesus:

—Mnen troꞌxbanka xaꞌ senꞌ ryoꞌxban reta xaꞌ nguj lo yoxo’b wiz blus jwan'.

25 Jesus nchab lo Mart:

—Na ngoꞌxban men nde na nda yalnaban; men jwanꞌ li lazonꞌ na, tenye ngujla xaꞌ, tban xaꞌ. 26 Nde reta men jwanꞌ naban nde ndli lazoꞌ xaꞌ na, xaꞌ ya naꞌgajta. ¿Cho ndli lazoꞌa jwanꞌ reꞌ?

27 Mart nchab:

—Ta naka Xaꞌ Nyebeꞌ, ndli lazoꞌn leꞌ lu nak Crist, Xinꞌ Dios, Xaꞌ nakwentla yeꞌd lo izyoꞌ.