53 Jesus nchab lo xaꞌ:

—Gal' di's nipa na lo goꞌ, tez nawad goꞌ belꞌ Xinꞌ Mbiꞌ mbyeꞌd lo izyo, nde nagud goꞌ ren Xaꞌ, naꞌkenod goꞌ yalnaban. 54 Leꞌ men jwanꞌ wa belꞌ na nde gu xaꞌ ren na, xaꞌ ya keno yalnaban adiꞌ, nde na goꞌxban xaꞌ senꞌ yoxo'b wiz blus. 55 Tak belꞌ na nak jwanꞌ wapa men nde ren na nak jwanꞌ gupa men. 56 Xaꞌ jwanꞌ ncha belꞌ na nde nchuꞌ xaꞌ ren na, xaꞌ ya thiblaꞌ ndono na, nde na ndono xaꞌ. 57 Leꞌ Xud na, Xaꞌ jwanꞌ mtelꞌ na, naban Xaꞌ nde benꞌta Xaꞌ sa naban na, nde taga' men jwanꞌ wa belꞌ na, benꞌta na sa ban xaꞌ. 58 Pan reꞌ mbroꞌ lo beꞌ, men wa pan reꞌ keno xaꞌ yalnaban adiꞌ, nakte xa nak mana jwanꞌ mda re xaꞌ gox lo go' jwan' mbre pola, nde ngujka xaꞌ.