Jwanꞌ lipa jwanꞌna tolaꞌ goꞌ
31 Leꞌ re xaꞌ judí ta mblila lazonꞌ Jesus, nchab Jesus lo xaꞌ:
—Tez yoto goꞌ lo xkiꞌs na, nak goꞌ Xinꞌ teꞌdpa na; 32 Nde yolo goꞌ jwan' lipa, nde jwan' lipa ya, li lya' goꞌ.
33 Zya mkab re xaꞌ lo Jesus, nchab xaꞌ:
—Náꞌ nde lo bin chanꞌ Abraham8:33 Mt. 3:9; Lc. 3:8. nde naꞌnzot náꞌ lo yaꞌ nek thib men; ¿Cho kwan liy mbez la lo náꞌ, lya' náꞌ?
Xud goꞌ nak maxuꞌ
39 Re men mkab nde nchab xaꞌ lo Jesus:
—Lo bin chanꞌ Abraham nde náꞌ.
Leꞌ Jesus nchab lo xaꞌ:
—Tez liga lo bin Abraham nde goꞌ, re jwanꞌ mbli Abraham ndadlo li goꞌ. 41 Goꞌ ndli re jwanꞌ ndli xud goꞌ.
Zyasa nchab xaꞌ lo Jesus:
—Naꞌnakta náꞌ mbed wan; ngeno náꞌ thipta xud náꞌ, Xaꞌ ya nak Dios!
42 Zyasa nchab Jesus lo xaꞌ:
—Tez liga xud goꞌ nak Dios, ndablo keꞌ lazoꞌ goꞌ na, tak na mbroꞌ tenꞌ ndob Dios sa mzin na ncheꞌ; tak naꞌndalta na por kwent chanꞌ na, leꞌn ndal tak Dios mtelꞌ na. 44 Xud goꞌ nak maxuꞌ, nde re jwanꞌ ndryoꞌ lazoꞌ xud goꞌ jwanꞌ na ncholaꞌs goꞌ li goꞌ. Maxuꞌ nak xaꞌ nguj men xata mdobte mdoxkwa' Dios izyo, nde naꞌnchotod xaꞌ lo jwanꞌ li, tak ngenta jwanꞌ li lenꞌ lazoꞌ xaꞌ. Senꞌ ndyodiꞌs xaꞌ yalkwinꞌ, jwanꞌna nak xkiꞌs xaꞌ; tak nakwinꞌ toz xaꞌ, xaꞌ nak xud yalkwinꞌ.
59 Zyasa mxen re xaꞌ ke keꞌ xaꞌ cho Jesus, leꞌ Jesus mkaꞌslo nde mbroꞌte Jesus tenꞌ ndob yodoꞌ; nde mbriꞌd Jesus xij reta xaꞌ, nda Jesus.