Kwent chanꞌ thi mdyenꞌ ndriꞌdcho tmi
11 Noga nchab Jesus:
—Thi mbi' ngeno chop xinꞌ bi' naꞌ, 12 nde or yenꞌ nchab lo xud naꞌ: "Xud na, ptaꞌ jwanꞌ ndaꞌblo ak chanꞌ na.ꞌꞌ Zyasa mdiꞌd xaꞌ chenꞌ xaꞌ lo rop xinꞌ xaꞌ. 13 Mbrid ta pla wiz, leꞌ xinꞌ xaꞌ or yenꞌ na, mthor reta jwanꞌ mdaꞌ xaꞌ lor, nde ndar tij, xa’la yez, nde tya mbriꞌdchor tmin or lo re jwanꞌ narax ngoxte lir. 20 Zyasa mxen or ned, ndyar liz xud or.
Senꞌ tata benꞌ tij nder, mbwiꞌ xud or or, mblat lazoꞌ xaꞌ or, mkeꞌ xaꞌ karel nda xiꞌ ned xaꞌ or, mdeꞌs xaꞌ or, nde mda xaꞌ chut kwat or. 22 Per xud or nchab lo re mos xaꞌ, "Bken go' waxiꞌ goꞌ lar wen bok xab goꞌ or, blo goꞌ thi ani kwen yaꞌr nde blo goꞌ yayid nir. 24 Tak xinꞌ na reꞌ ngujla or, nde naya naban or, mdyab or, nde naya ngosal or." Zyasa mdobte mbli xaꞌ fyest.