LUK 9

Jwan' li re thib sen xinꞌteꞌd Jesus

1 Zyasa mthop Jesus re thib sen xin’te’d Jesus, nde mdaꞌ Jesus yalne nde yalnyebeꞌ lo re xa' sa koꞌte xaꞌ re ned mbi narax nzo lazo' men nde sa todanꞌ xaꞌ re men nayis. 2 Nde mtelꞌ Jesus xaꞌ sa yatej xaꞌ di’s wen chanꞌ Dios nde ya todanꞌ xaꞌ re men nayiz. 3 Nde nchab Jesus lo xaꞌ:

—Nawed go' nek thib jwan' nakin' go' ned, nawed go' yaga, neka bols, neka jwan' wa go', neka tmiꞌ, neka chop ned lar. 4 Nde one cho yo sin go', tyata byan' goꞌ axta senꞌ ryoꞌte goꞌ yez ya. 5 Nde yez jwanꞌ naꞌtad ten' kwed goꞌ, broꞌte goꞌ tya nde bzib goꞌ yothiꞌ ni goꞌ, sa nye xaꞌ ke narax mbli xaꞌ.

6 Zyasa mbroꞌ re xaꞌ, nde nda xaꞌ reta yez, nda tej xaꞌ diꞌs wen chanꞌ Dios nde nda todanꞌ xaꞌ re men yis.