Marcos 4

3 —Pto nza go': Ngo ti mbi mbroꞌ ndalo bin mbis. 4 Nde senꞌ ndogo xaꞌ bin, nzo mbis ngob ro ned, zyasa mbyeꞌd mbyin nde mda mbyina. 5 Tipla mbis ngob xij ke tenꞌ ngenta bro yo jwanꞌ nasa naban toz mblyena, 6 per senꞌ lo mbla toz be, mbolꞌ la tak nangenta loxa nde mbiza. 7 Tipla mbis ngob xij yis; nde mas mxyen yis, mtowꞌ yis yek neꞌy nde tamod sa nandopta lo neꞌy. 8 Leꞌ tipla mbis jwanꞌ ngob lo yobeꞌb, mblyena, mxyen na nde nawe mdob lo neꞌy, choy mdaꞌ galbsiꞌ mbis axta songal mbis nde nzoy mdaꞌ axta tib ayoꞌ mbis kad tiba.

9 Zyasa nchab Jesús lo xaꞌ:

—¡Goꞌ jwanꞌ ndob nzanꞌ par gona, bin goꞌy!