37 Per mxyo’b mbi toz lo nit, nde axta lenꞌ bark nchoche bde, ndosey nzo nit. 38 Leꞌ Jesús naxyat xanꞌ bark, xis ti almwad; nde mbloꞌxkalꞌ xaꞌ Jesús, nchab xaꞌ:

—Maestr, ¿Cho na’ndlid la xgab ta ndolan' lenꞌ nit?

39 Nde ngoche Jesús, mbrez Xaꞌ lo mbi nde nchab Xaꞌ lo bde:

—¡Te’zta go'! ¡Xe bre goꞌ!

Nde gotab mbi nde retay xe mbrey.

40 Nde nchab Jesús lo xaꞌ:

—¿Cho kwan liy mzyeb toz goꞌ? ¿Cho na’ndlid lazoꞌ goꞌ Dios?

41 Zyasa mzeb toz lazo' xaꞌ, nde nchab xaꞌ lo ta xaꞌ:

—¿Cho Xaꞌ reꞌ, sa axta mbi nde nittoꞌ nxo’byeka Xaꞌ?