15 Tez cho thi ta men la, li thi yalke loa, leꞌta goꞌ btodiꞌs nde gus lo xaꞌ jwanꞌ mblino xaꞌ lu. Tez mbin xaꞌ xkiꞌs la mblia gan xaꞌ tedib gob. 16 Tez naꞌgonta xaꞌ xkiꞌs la, beꞌ tedib xaꞌ o ti chop xaꞌ, sa ptodi’sno goꞌ xaꞌ ya, sa diꞌs ro chop men o son men jwanꞌ mbwiꞌy, aka jwanꞌ li. 17 Tez naꞌgonta xaꞌ diꞌs ro re xaꞌ ya, gusa lo re xaꞌ yodoꞌ, nde tez nagonta xaꞌ diꞌs ro re xaꞌyodoꞌ, zyasa bwiꞌ goꞌ xaꞌ xajka ti xaꞌ nandlid lazonꞌ Dios nde xaja thi xaꞌ ndli kobral tmi par Rom. 18 Nipaꞌ na lo goꞌ, reta jwanꞌ tobo go' lo izyo reꞌ, tyobo’y lo beꞌ, nde reta jwanꞌ koxak go' lo izyo reꞌ, taga' yoxaka lo beꞌ. 19 Tagaꞌ nin lo goꞌ: Tez chop goꞌ lo izyo reꞌ thita ak diꞌs goꞌ sa nyaꞌb goꞌ one choja jwanꞌ lo Xud na ndob lo beꞌ, Xaꞌ tay. 20 Tak plo ndyop chop men o tson men por len, tya ndon xij re xaꞌ ya.