Lucas 2

Сар увліля Ісус

1 Андре одала дівеса імператоріс Авґуст диня аврі о законос, гой те прееґєнен і те перепісінен ле манушен пал цейло Рімсько пгув. 2 Кана есас о Квіріній владаріс андре Сірія, кади перепісь кєрде першивар. 3 А сако єкг ґейля те запісіненпес андро пескєро фоврос. 4 Ґейля те о Йосип андал галілєйсько фоврос Назарет андро Іудєя, андро фоврос ле Давідоскєро, со вічінелпес Віфлієм, бо ов есас андал родос ле Давідоскєро. 5 Ов ґейля те запісіненпес ле Маріяга, саві есас лега манґаді і ужарелас ле Чаворес.