10 Milagres de Jesus na Bíblia: Lista com versículos e explicação

Yesu ataamelɛ eeleele

35 Nko nde buuna buuko la ikɔlɔ, Yesu abelɛ bakɛndi la nde: «Topendye ndjale.» 36 Anɛ eha bahena banto, bakɛndi la Yesu babotombɛ nde waato booyalaki nde; byato benkina mpe beyalaki aiko. 37 Eeleele ekelɛ mpe buula bolikɛ bahi nde waato, ntute eeki waato boyole la bahi. 38 Endaka Yesu nde alalaki nde mbaka, bɔtɛ nde bokili. Bakɛndi laa nde baboemolɛ, mpe babohangelɛ la nguya: «Bolaki, toowa: epokokele la lobo lɔmɔɔ?» 39 Yesu aemwɛ, ataamelɛ eeleele mpe abeelɛ ndjale: «Pilama! yala nyɛ!» Eeleele ehilɛ mpe bolenge bɔkɔtɛ. 40 Mpe ayɛ yobela bakɛndi laa nde: «Itina imba nyo looke bɔɔmɔ nɔ? Taloyali laino la waambi?» 41 Bakɛndi laa nde bayalaki la bɔɔmɔ bɔmɔɔ bo bɔnɛnɛ mpe bayaubolɛ ibɔ la ibɔ: «Bonto ɔnɛ ae nɔ, la eeleele la ndjale ibookela?»

25 Nde banto baiko, eyalaki la buunto ɔmɔɔ ɔkɔnɛ nkandi yotanga bakila, akelɛ la ɛkɔ mbula lyomu la ipe. 26 Anyɔkwɛ eka benganga buuke, aheyɛ lokutu lokinde lonkuma mpe tabika; yaa nkandi engalaki nko ngaangala. 27 Anɛ eokɛ nde nsango eeki Yesu, ayɛ la lombuha lo banto, mpe abutɛ ehenda eeki Yesu. 28 Itina ayahangelaki: «Kaki ngɔbɛngɛ nkya bihenda biikinde, nkoobika.» 29 La mbala ɛmɔɔ, bakila baatangaki batenɛ, mpe aokɛ nde byonge biikinde angobikɛ la nkandi eyalaki laa nde. 30 Nko aiko, Yesu aokaki nguya ɛmɔɔ engoboolɛ nde byonge, akalimwɛ mpe alendɛ boloy, ahangɛ: «Omboombute nde bihenda nɔ?» 31 Bakɛndi la nde babobelɛ: «Wɛnɛ banto buuke baokuke mpika ndjoko inkuma mpe oyuubola lenkina: "Ombombute nɔ?"» 32 Yaa Yesu alendɛ ntute la nde kela aɛnɛ ɔnɛ omboobobute. 33 Buunto ɔkɔ atutumaki la bɔɔmɔ itina aebaki inɛ ingobolekelɛ; ayɛ yɔkɔ bakulubɔngɔ nde bekolo beeki Yesu mpe abohangelɛ nhɔhɔlɔ enkuma . 34 Yesu nde ɔnɛ obobelɛ: «Bona okimi o buunto, waambi bookiɛ bongokobikyɛ, kɛndɛ bɔlɔti mpe bika la nkandi ekiɛ.»

Yesu abikyɛ bonto ɔmɔɔ oyalaki la belimo be bobe

1 Bakitɛ looko lɔnɛ lɔmɔɔ lo ndjale nde bokili booki ba Ngelaza. 2 Nko Yesu aohulwe nde waato, bonto ɔmɔɔ oyalaki la bolimo bo bobe oumaki nde ngelo ayɛ yoponana la nde. 3 Bonto uuko ambookihake nko nde ngelo, mpe la bonto ɔmɔɔ taɔhɔ yuunwa lenkina yobotungya mpanga. 4 Mbala buuke imba babotungyakɛ mpanga la mpeko, ambootamolakɛ mpanga mpe amboopupolakɛ mpeko. Nko bonto oyalaki la nguya yobobuta. 5 Ambooyalakɛ bilaka binkuma la waane la botio nko nde ngelo la ngomba, yoboba mpe yoyaotalya la babɔkɔ. 6 Anɛ e ɛnɛki nde Yesu botale, apuhuwɛ yɔkɔ bakulubɔngɔ ntondo eeki nde, 7 mpe abobɛ la nguya: «Yesu Bona ooki Ndjakomba ɛnɛ e lobola, lookiɛ la emi nɔ? Nkɔbɔndɛlɛ nde lina iki Ndjakomba, tontungyake!» 8 – Atepelaki ngauko itina Yesu abobelaki: «Bolimo bo bobe, ola eka bonto ɔnɛ!» – 9 Yesu abuubolɛ: «Lina ikiɛ nɔ?» Aunoyɛ: «Lina ikimi "Botonga", itina toyali buuke.» 10 Bolimo bo bobe bɔbɔndɛlɛ Yesu la weembeli mbɔ tabatindake looko lonkina.

11 Mpeni looko lo ngomba, eyalaki la botonga bo bɔnɛnɛ bo ngulu bayaki yɔlɛkɛ. 12 Belimo be bobe bɛbɔndɛlɛ Yesu mbɔ: «Ototinde nde ngulu, tɔɔtwe nde ikɔ!» 13 Yesu abapɛ ndjela mpe belimo be bobe beolɛ, byɔtwɛ nde ngulu, mpe botonga boyabilingolɛ nde nkitibɔngɔ, boyaunɛ mpe bowɛ nde ndjale. Ngulu iyalaki ntute la nkoto ipe. 14 Baahɛndjɛlɛki ngulu balotɛ, mpe batɛ itopa nsango nde imonga mpe nde bahala. Banto bayɛ yolenda iilekaki. 15 Bayɛ ntute la Yesu, mpe baɛnɛ bonto o belimo be bobe akihi, angɔlɔtɛ bɔlɔti, mpe angohilamɛ nkya boyalaki nde la belimo be bobe buuke. Banto bankuma baokɛ bɔɔmɔ. 16 Banɛ baɛnɛki ndenge inkuma, babangɛ yobahangela ilekaki itina iiki bonto o belimo be bobe la ngulu. 17 Babɔndɛlɛ Yesu aume nde ehe ekibɔ. 18 Anɛ ekondelɛ Yesu nde waato, bonto ooyalaki la belimo be bobe abɔndɛlɛ Yesu abɔkɔhe bakɛnde. 19 Yesu talanga, yaa abobelɛ: «Unwa eka wɛ, mpe nde bokundi bookiɛ, lɔndɔyɔ ibɔ inkuma inga Nkolo akokelelɛ la ihɛi inga nde akookelɛ.» 20 Bonto uuko atɛ mpe alɔndɔlɛ nde lobandja lo bamonga lyomu bakambo bankuma babokelelaki Yesu, mpe ibɔ bankuma bautɛ byɔli.

Bona o buunto ooki Yailo la buunto oobutaki ehenda eeki Yesu

21 Yesu aunwɛ yopendya lenkina nse e mboka e ndjale nde waato, mpe banto buuke bayaki yoyahokia ntute la nde, ayalaki nde ibongo. 22 Bonkondi bɔmɔɔ boki botumba bo lɔbɔndɔ bo lina Yailo ayɛ. Anɛ e ɛnɛ nde Yesu, ayalikɛ nde bekolo bekinde 23 mpe abɔbɔndɛlɛ la weembeli nde ante: «Bona okimi o buunto o eboha awa la nkandi, yaka mpe oboapye bɛbɔ kela abate lobiko mpe nkandi ehile!» 24 Batɛ nde la Yesu ndjela ɛmɔɔ. Banto buuke batɛ itoboyelaka mpe itoboukaka mpika la lombuha.

25 Nde banto baiko, eyalaki la buunto ɔmɔɔ ɔkɔnɛ nkandi yotanga bakila, akelɛ la ɛkɔ mbula lyomu la ipe. 26 Anyɔkwɛ eka benganga buuke, aheyɛ lokutu lokinde lonkuma mpe tabika; yaa nkandi engalaki nko ngaangala. 27 Anɛ eokɛ nde nsango eeki Yesu, ayɛ la lombuha lo banto, mpe abutɛ ehenda eeki Yesu. 28 Itina ayahangelaki: «Kaki ngɔbɛngɛ nkya bihenda biikinde, nkoobika.» 29 La mbala ɛmɔɔ, bakila baatangaki batenɛ, mpe aokɛ nde byonge biikinde angobikɛ la nkandi eyalaki laa nde. 30 Nko aiko, Yesu aokaki nguya ɛmɔɔ engoboolɛ nde byonge, akalimwɛ mpe alendɛ boloy, ahangɛ: «Omboombute nde bihenda nɔ?» 31 Bakɛndi la nde babobelɛ: «Wɛnɛ banto buuke baokuke mpika ndjoko inkuma mpe oyuubola lenkina: "Ombombute nɔ?"» 32 Yaa Yesu alendɛ ntute la nde kela aɛnɛ ɔnɛ omboobobute. 33 Buunto ɔkɔ atutumaki la bɔɔmɔ itina aebaki inɛ ingobolekelɛ; ayɛ yɔkɔ bakulubɔngɔ nde bekolo beeki Yesu mpe abohangelɛ nhɔhɔlɔ enkuma . 34 Yesu nde ɔnɛ obobelɛ: «Bona okimi o buunto, waambi bookiɛ bongokobikyɛ, kɛndɛ bɔlɔti mpe bika la nkandi ekiɛ.»

35 Nko aiko etepela Yesu, banto bankina baumɛ nde botumba booki bonkondi bo botumba bo lɔbɔndɔ, bayɛ yobobela: «Bona okiɛ o buunto angowɛ. Itina iitungya wɛ lenkina bolaki nɔ?» 36 Ankya bookaki Yesu ngauko, abelaki Yailo: «Tookake bɔɔmɔ, yala nko la waambi.» 37 Yesu taunwa yolanga bonto aboyele, akɔhɛ nko Petelo, Yakɛ la Yowane bohibotonga oki Yakɛ. 38 Bakitɛ nde botumba booki bonkondi bo botumba bo lɔbɔndɔ, Yesu aɛnɛ banto bata baunwa, balela mpe bayahaba la yoboba la nguya. 39 Aɔtwɛ mpe ababelɛ:«Lolyaleka mpe lolela ngauko itina nɔ? bona tawei, alali.» 40 Mpe banto babɔɔlɛ. Aolyɛ banto bankuma, akɔhɛ nko ihe la nyango eki bona la banɛ bayaki la nde, baɔtwɛ mpiko eyalaki bona. 41 Yesu abutɛ bona nde lɔbɔ mpe abobelɛ: «Talita kumi» – Elimbola wambɔ: «Eboha e buunto, nkobela, emala!».

42 Nko aiko, bona eboha e buunto aemalɛ mpe abangɛ yɔkɛndɛ – ayalaki la mbula lyomu la ipe. Mbala ɛmɔɔ, banto bankuma bautɛ byɔli. 43 Yesu abakokomyɛ tabahangelake la bonto ɔmɔɔ, nkamba aobabela: «Lobopa yomba ale.»

Yesu abikyɛ loondo lɔmɔɔ lo ɛhɛlɛ

1 Mbuha e biina, Yesu aunwɛ Kapalanaumu, banto baokɛ nsango mbɔ ayali nde botumba. 2 Bayɛ buuke yohokama, mpe la ntondo e buuho botumba ndye e yoemala teyala. Yesu abalakɛ Nsango e Bɔlɔti. 3 Nko aiko, banto baboyelɛ bonto ɔmɔɔ o ɛhɛlɛ onga banto banɛi babilɛ. 4 Nga boyalaki lyale yokita eyali nde, itina i banto buuke, bakondelɛ nde nsamba, batondolɛ itundu mpe bahuloyɛ ɛhɛlɛ ndye eyalaki Yesu, la lokala lokinde. 5 Yesu aɛnɛ waambi booki ibɔ, abelɛ ɛhɛlɛ: «Bona oki emi, basumu baakiɛ bangolibwɛ.» 6 Bamɔɔ balaki ba bobeko baayalaki aiko, bakihɛ mpe babangɛ yoyabela nde betema: 7 «Itina iitepela bonto ɔnɛ ngɔnɛ nɔ? Atoola Ndjakomba. Ɔnɛ ɔɔhɔ yolibola bahumu nɔ nga teyala Ndjakomba nde amɛlɛ?» 8 Yesu tatɛmɛ yweba bikaneno biiyalaki la ibɔ, ababelɛ: «Itina nɔ iyali nyo la bikaneno bi lolenge luuko nde betema bekinyo? 9 Yobela ɛhɛlɛ: "Basumu bakiɛ bangolibwɛ", laa yobobela: "Langwa, kɔhɔ lokala lookiɛ mpe kɛndɛ" yomba eependa lyale nɔ? 10 Yaa, itina iki lwebe mbɔ Bona ooki Bonto ayali la bonkumu nde bokili bo yolibola basumu», abelɛ ɛhɛlɛ: 11 «Nkobela, langwa, kɔhɔ lokala lookiɛ, inwa eka wɛ!» 12 Nko aiko ɛkɔ, ayaemyɛ, abilɛ lokala lokinde mpe aolɛ ntondo eeki banto bankuma. Bautɛ byɔli, babangɛ yokumya Ndjakomba mpe bahangɛ: «Tatwɛni lɔnɛ!»