10 Milagres de Jesus na Bíblia: Lista com versículos e explicação

Litsenjele ku muji gwa Kana

1 Siku ya kadatu kwavaga na lintsenjele ku muji gwa Kana, kumukova gwa Galilaya. Nayo yuve va Yesu avaga kuko, 2 nayo Yesu hamwe na vadahitswa vake vavaga valibulitswe mwitsenjele ilyo. 3 Difwayi hoyavaga kusila, yuve va Yesu akamulonjelaje Yesu kuta, "Difwayi yisisile!" 4 Yesu akamupitulaje yuve kuta, "Uleche kundonjela chinu cho ntsin’ganika kudita, luvala lwangu lwa kuludita lulongwa ulo lung’ali kufika." 5 Ihyo yuve va Yesu akavalonjelaje vala vatantsi va hala haliwungo, "Chinu chochive cho akuvalonjela henye muditaje." 6 Kuko kwavaga na fitsilo sita fya kuvichila malenga fyo fyali fiwuyipwe kwa maganga kwasawuli kukalavila Vayawudi, ili kivika chang’ani kwa kumufugamila Mulungu kwa ntsovelo tsawo, chila chimwe chavaga chifuluche chimeme madebe gahanu ga malenga. 7 Yesu akavalonjelaje vala vatantsi, "Mufimemye malenga fitsilo ifyo." Nawo vakafimemyaje malenga fitsilo fila mbaka mwilanga. 8 Kaha akavalonjelaje, "Lelo muneje mumusindichile muvina va litsenjele." Ihyo vakanegaje na kumusindichila. 9 Muvina va liwungo lila avaga kuwontsa malenga akatselaje kuta gagaluche na kuva difwayi. Mwene bila kutsela koyihumye difwayi iyo, ila vala vatantsi wovanetsile malenga gala vatselaga. Muvina va litsenjele akamuchemelaje halubali yula mukweli, 10 na akamulonjelaje kuta, "Chila munu alongolaga kuleta difwayi nofu, lechelelo manyi awone vanu vang’weye ndalahela, hawudugo aletaga yila yoyitsolwiche. Lechelelo heve uvisile difwayi nofu mbaka sambi!" 11 Iyino yo ndajilo ndongola yo adisile Yesu uko ku muji gwa Kana ya Galilaya, akalajilaje wuvetso wake nawo vadahitswa vake vakamutumbaje.

Yesu angumuponentsa munu chibofu.

1 Siku yimwe Yesu hoavaga anlutila akamuwonaje munu yumwe, chibofu kuhuma kuleleka kwake. 2 Ihyo Vadahitswa vake vakamuputsaje, "Mudahitsi! Nani yoadisile ndongwa ntsibi, munu yuno awu valeli vake, mbaka aleleche chibofu?" 3 Yesu akavajibulaje, "Munu yuno na valeli vake sivadisile ndongwa ntsibi, ila lulongwa ulu luhumye ili wuvetso wa Mulungu wuwoneche mugati mwake. 4 Tun’ganika tukole katsi tsake mwene yo anumile kung’acha hamunyi, kwakuva chilo chinkutsa kuduhu munu yoakuvetsa kukola katsi yoyive. 5 Luvala lontsili mu inyi, heni yo mwang’atsa gwa vanu va mu inyi." 6 Avaga kulonga itso, akafunyaje mati hanyi, akafinyangaje lilongo, akamubakaje yula chipofu mumiho, 7 Kaha amulonjelaje, "Bite ukakalave mulikwava lya Siloamu." Chinya kutijila, yo atumilwe. Duve yula chibofu akabitaje kukalava, nayo akawuyaje kuno an’lola. 8 Vanu va habehi na mwene wovavaga vamutsele iho hamutalo vakalongaje kuta avaga mugayu na mususi, vakiputsaje, "Mbe! Uyu siyula mugayu yoikalaga na kusuka?" 9 Vamwinga vakalongaje, "Yo mwene." Vamwinga vakalongaje, "Ndaya simwene ila ihwana nayo." Lechelelo yula yoali chipofu akalongaje, "Yo heni baha." 10 Ihyo vakavaje vangumuputsa, "Lelo miho gako gadisilwe ndawuli mbaka ulole?" 11 Nayo akavapitulaje, "Yula munu yo anchemwa Yesu adisile lidope, akambakaje mumiho nakundonjela, bite ukakalave ku litsimbwi lya Siloamu. Iho heni hongabitaje kukalava, ho iho ngantsaje kulola." 12 Vakamuputsaje kaha, "Mwene munu uyo alikwiya?" Nayo akavapitulaje, "Heni sinambe ntsele koali."

Yesu anguvapela chilyo vanu kulutila elufu tsihanu

13 Yesu hoavaga kuhulika ndongwa tso tsamupasile Yohana akakwinaje mutumbwi na kuwuka, akabitaje hono ho haduhu munu yoyuve. Lechelelo vanu hovavaga kutsela vakahumaje ku miji jawo kwa magulu vakakolaje mulubali lwa lulenga kubita hono hoavaga Yesu. 14 Yesu hoavaga kwika mu mutumbwi akavawonaje vanu wolofu, akawawonelaje lusungu, ihyo akavaponetsaje namwa tsawo. 15 Hoyavaga kufika mumihe vadahitswa vake vakamufwataje na kumulonjela Yesu, "Hono hano hali mbuga ng’ani na litsuva lihele, lelo uvalaje vanu iva vabite vakigulile chilyo ili valye." 16 Yesu akavalonjelaje, "Sivan’ganika kuwuka, lechelelo mun’ganika henye muvapele filyo." 17 Vene vakamulonjelaje, "Hano hogali mabumunda gahanu na somba tsivili hela." 18 Yesu akavalonjelaje, "Mundetele hano." 19 Akavalonjelaje vanu vikale hasi mu misoli, Yesu akategulaje gala mabumunda gahanu na tsila somba tsivili, akagalamaje Kilanga na kumulumba Mulungu. Kaha akamegasaje gala mabumunda na somba tsila na kuvapela vadahitswa vake, nawo vakavapelaje vanu. 20 Vanu veka vakalyaje na kwiguta. Hambele vadahitswa vakaholaje filyo fyo fisije na fikamemaje fitangula kumi na fivili. 21 Vanu veka wovalyeye vavaga vafisile valume elufu tsihanu bila kuvavala vadala na vana.

Yesu anguyikatukitsa ng’ala ngomi

35 Siku yiyila ho yavaga kuva mumihe, Yesu akavalonjelaje vadahitswa vake, "Tulowoche kumwambu gwa lilamba." 36 Duve vakavalekaje vanu vala wolofu, na kubita ku mutumbwi goavaga Yesu, vakawukaje hamwe nayo. Hihila na vanu vanji vavaga hamwe mu mitumbwi jinji mulujendo lula. 37 Hambele yikawugaje ng’ala ngomi na kugakunugitsa mavimbi. Nago gala mavimbi gakagutovaje mutumbwi gula goavaga akwinile Yesu, na mutumbwi gukantsaje kumema malenga. 38 Yesu avaga avasise kumbele mu tumbwi na kuno asegamitse mutwi gwake mu muhagu. Vadahitswa vake vakamulamusaje na kumulonjela, "Mudahitsi mbe, sinambe ulave kuta hetwe tun’yaga mu malenga?" 39 Yesu akalamukaje akaying’anulilaje ng’ala yila ngomi kwa kugalonjela mavimbi gala, "Katuche, mye!" Bahobaho ng’ala yila yikalekaje, kukasichimalaje. 40 Kahi Yesu akavaputsaje vadahitswa vake, "Munkogopa chichi? Mbe, mung’acha mulihela litumbilo?" 41 Vadahitswa va Yesu vakavaje na muloto ndalahela na vakiputsaje, "Mbe, yuno munu vachi, mbaka ng’ala ngomi na mavimbi fingumuhulikitsa?"

25 Kaha hono iho havaga na mudala yumwe yo atamikaga wutamwa wa kuhuma danda tsa siku tsa vamama kwa myaka kumi na jivili. 26 Mudala uyo avaga akodiche ndalahela kwa vaganga wolofu. Hamwe na kuva avaga agutsitse finu fyolofu siapatite chiba chochive, lechelelo wutamwa wake walutilaga nachene. 27 Hoavaga kuhulika ndongwa tsa Yesu, akifyatanitsaje halilugu lya vanu kuhumila kuchigosi kwa Yesu, na kudometsa mwenda go avaga afwite Yesu. 28 Adisile ihyo kwasawuli avaga ilonje mwene mu numbula yake kuta, "Manyi ndometse hela mwenda gwake, ngupona wutamwa wangu!" 29 Hoavaga kugudometsa mwenda gwa Yesu, luvala lulo danda yila yikadugaje. Akitselaje kuta aponile wutamwa wake. 30 Luvala lulo Yesu nayo akatselaje kuta wuvetso wake wumuponitse munu. Akavapituchilaje vala vanu wolofu na kuvaputsa, "Nani yo andomitse mwenda gwangu?" 31 Vadahitswa vake vakamujibulaje, "Ulave vanu wolofu fyo vangukutifya. Lelo chinya ndawuli umputsa kuta nani yo akudomitse?" 32 Lechelelo Yesu akendelelaje kupugasa ili amuwone munu yula yo amudomitse. 33 Iho mudala yula yo atselaga chochi muhumye, akahumilaje kuno ankakama kwa muloto na kipuna halutalo ha Yesu akamulonjelaje chila chinu cho chimuhumye. 34 Yesu akamulonjelaje mudala yula, "Muhintsa, litumbilo lyako likuponitse, bitaje kwa wusichimafu. Ng’odeko yako yidutsile."

Yesu angumuponetsa munu munya misoka

1 Yesu na vadahitswa vake vakalowokaje kumwambu gwa lilamba lya Galilaya, vakafikaje ku inyi ya Vajelasi. 2 Iho Yesu ho avaga kwika mu mutumbwi, luvala lulo akitang’anaje na munu yumwe munya lisoka anhuma ku makabuli. 3 Munu uyo ikalaga ku makabuli, na sikwavaga na munu yo avetsaga kumuwopa na yivaje kwa nyololo. 4 Mala tsongofu vanu vamuwopaga magulu na mawoko munu uyo kwa nyololo na pingu. Lechelelo mwene abenangaga pingu itso na kudumulanga nyololo tsila, na kwasawuli iyo kwavaga kuduhu munu yoyuve munya ludali lwa kumwibata. 5 Hamunyi na hachilo ikalaga ku makabuli na ku fidunda, kuno ankola na kitemanga kwa maganga. 6 Hoavaga kumuwona Yesu ang’acha kutali, akamubilimilaje na kumufugamila, 7 na akakolaje, "Heve Yesu mwana va Mulungu va kilanga ndalahela, choun’gana chinu chachi kwa heni? Kwa litawa lya Mulungu ntsingukusuka uleche kung’oda." 8 Lisoka ilyo lyalontsile ihyo kwasawuli Yesu avaga aling’anulye lisoka lila kwa kulilonjela, "Hume kwa munu yuno!" 9 Kaha Yesu akaliwutsaje lisoka lila, "Litawa lyako uli nani?" Nalyo likalongaje, "Litawa lyangu Lijesi, kwasawuli hetwe tuli wolofu!" 10 Misoka jila jikamugongolaje Yesu, aleche kujivinga kivala na inyi yila. 11 Habehi na hono iho havaga na chipinga chikomi cha migubi cho chadimwaga mulubali lwa chidunda. 12 Ihyo misoka ijo jeka jikamugongoletsaje Yesu, "Utuleche tukinjile mumigubi jila." 13 Nayo Yesu akajidikitsaje cho jimulonje. Jila misoka jikamuhumaje na kwinjila mu migubi jila. Chipinga cheka chikikaje luvilo hohamwe ku lweta na kwinjila mu lilamba, jikagabilaje na kufwa, migubi ijo javaga kota elufu tsivili. 14 Vanu yo vajituntsaga migubi jila vakabilimaje, na vakavavikulilaje vanu ndongwa itso ku muji na ku fijiji. Vanu vakatsaje kulava chochihumye. 15 Vanu vala hovavaga kufika kwa Yesu, vakamuwonaje munu yula yo ahumitswe misoka aponile, afwite myenda na kikalisa hasi, vanu vala vakavaje na muloto ndalahela. 16 Vanu veka yo valuwene lulongwa ulo vakavalonjelaje vayawo chila chochamupasile munu yula yoavaga na misoka na chila cho chijipasile migubi jila. 17 Nawo vakamugongolaje Yesu awuche mu inyi yawo. 18 Hala Yesu hoavaga ankwina mu mutumbwi, munu yula yoavaga na misoka iho hamutalo akamusukaje Yesu vabitase. 19 Lechelelo Yesu akamulemetsaje na kumulonjela, "Ubite kukaye kwa vang’olotso, ukavalonjele ndongwa tso akuditye Mutwa Mulungu na hila fyo akuwon’ye lusungu." 20 Ihyo munu yula akawukaje na kwantsa kuvavikulila vanu va hono ho hanchemwa Dekapoli, chinya kutijila miji kumi ndongwa tseka tsila tso amuditye Yesu, na vanu veka vakavaje kuhulika, vakapomokaje.

Yesu angumutsipula mwanahintsa va Yayilo na angumuponetsa mudala

21 Yesu akalowokaje kaha kumwambu gwa lilamba kwa mutumbwi. Akimaje halubali lwa lilamba, na vanu wolofu vakatsaje hono hoali. 22 Akatsaje munu yumwe chilongotsi va hono ha kwitang’anila Vayawudi yo achemwaga Yayilo, akavaje kumuwona Yesu akamufugamilaje, 23 na kumugongola kwa kumulonjela, "Muhintsa vangu antamika ndalahela na alibehi kutajika. Dedede ntsingukugongola tubite ukamusuchile kwa kumuvichila mawoko gako ili ave mumi." 24 Yesu akidichilaje na vakabitasaje hamwe na Yayilo, na vala vanu wolofu vakavafwataje, na vakamupilimaje Yesu na kumutifya. 25 Kaha hono iho havaga na mudala yumwe yo atamikaga wutamwa wa kuhuma danda tsa siku tsa vamama kwa myaka kumi na jivili. 26 Mudala uyo avaga akodiche ndalahela kwa vaganga wolofu. Hamwe na kuva avaga agutsitse finu fyolofu siapatite chiba chochive, lechelelo wutamwa wake walutilaga nachene. 27 Hoavaga kuhulika ndongwa tsa Yesu, akifyatanitsaje halilugu lya vanu kuhumila kuchigosi kwa Yesu, na kudometsa mwenda go avaga afwite Yesu. 28 Adisile ihyo kwasawuli avaga ilonje mwene mu numbula yake kuta, "Manyi ndometse hela mwenda gwake, ngupona wutamwa wangu!" 29 Hoavaga kugudometsa mwenda gwa Yesu, luvala lulo danda yila yikadugaje. Akitselaje kuta aponile wutamwa wake. 30 Luvala lulo Yesu nayo akatselaje kuta wuvetso wake wumuponitse munu. Akavapituchilaje vala vanu wolofu na kuvaputsa, "Nani yo andomitse mwenda gwangu?" 31 Vadahitswa vake vakamujibulaje, "Ulave vanu wolofu fyo vangukutifya. Lelo chinya ndawuli umputsa kuta nani yo akudomitse?" 32 Lechelelo Yesu akendelelaje kupugasa ili amuwone munu yula yo amudomitse. 33 Iho mudala yula yo atselaga chochi muhumye, akahumilaje kuno ankakama kwa muloto na kipuna halutalo ha Yesu akamulonjelaje chila chinu cho chimuhumye. 34 Yesu akamulonjelaje mudala yula, "Muhintsa, litumbilo lyako likuponitse, bitaje kwa wusichimafu. Ng’odeko yako yidutsile."

35 Yesu hoavaga ankwendelela kulonga, vanu kuhuma kwa kaye ya Yayilo vakafikaje na kumulonjela Yayilo, "Muhintsa vako mwanga atajiche, lelo kwasawuli yachi unkwendelela kumukoda Mudahitsi?" 36 Lechelelo Yesu hoavaga kuhulika ihyo akamulonjelaje yula muvina va nyumba ya kitang’anila Vayawudi, "Witumbile hela, uleche kuva na muloto." 37 Yesu akavalemetsaje vanu vanji kwilongotsa hamwe nayo, lechelelo akavatolaje Petulo, na Yakobo, na Yohana yoavaga mung’olotse Yakobo. 38 Hovavaga kufika ha nyumba ya vina va nyumba ya kitang’anila Vayawudi yula yo achemwaga Yayilo. Vanu vavaga vanvemba na kulomboketsa. 39 Yesu akinjilaje mu nyumba na kuvaputsa, "Kwasawuli yachi munkola na kulomboketsa? Mwana yuno siafweye ila avasise hela." 40 Vanu vala vakamuhekaje kwa mbedatsi. Lechelelo Yesu akavahumyaje kivala vanu veka, akavategulaje yuve na dade va muhintsa yula yo atajiche, hamwe na vala vadahitswa vake akinjilaje nawo mu chumba chila cho gwavaga muvili gwa muhintsa yula. 41 Yesu akalibataje liwoko lya muhitsa yula yo atajiche, na kumulonjela, "Talita kumi!" Chinya kutijila, "Muhintsa ulamuche!" 42 Luvala lulo muhintsa yula akatsilipukaje, akimaje na kwantsa kujenda. Muhintsa yula avaga na myaka kumi na jivili. Ihyo yuve na dade vakavaje kuluwona lulongwa ulo vakapomokaje ndalahela. 43 Yesu akavalemetsaje vanu valeche kumulonjela munu yoyuve lulongwa ulo loluhumye. Kaha akavalonjelaje yuve na dade vamupele chilyo muhintsa yula yo atsilipuche.

Yesu an’jnda mwilanga mwa malenga

22 Luvalalulo Yesu akavalajitsaje vadahitswa vake vakwine mu mutumbwi kulongola kubita kumwambu gwa lilamba hala mwene hoavaga anguvalaga vanu. 23 Yesu hoavaga kusinda kuvalaga vanu akakwinaje kuchidunda kumusuka Mulungu. Akavaje kuko aliyeka mbaka chilo chikafikaje. 24 Chipindi icho mutumbwi gwavaga habehi na hagati na gati ha lilamba kuno gun’yugayuga kwasawuli ya mavimbi na ng’ala ngomi.

25 Hokwavaga kufika hachilo cha kuvika ntsogolo, Yesu akabitaje kwa vadahitswa vake kuno an’jnda mwilanga mwa malenga. 26 Vadahitswa vake ho vavaga kumuwona Yesu an’jenda mwilanga mwa malenga, vakavaje na muhwehwe vakatijilaje kuta, "Ilino Lilayika, vakantsaje kukola kwa muloto." 27 Lechelelo Yesu akavalonjelaje, "Mwikangatse muleche kuva na muloto, yo heni." 28 Petulo akamulonjelaje, "Mutwa, manyi yo heve undajitse ntsitse kwa heve kuno ntsin’jenda mwilanga mwa malenga." 29 Yesu akamulonjelaje, "Ale! Utse." Ihyo Petulo akikaje mu mutumbwi na kujenda mwilanga mwa malenga na kubita kwa Yesu. 30 Lechelelo Petulo hoavaga kuyiwona yila ng’ala ngomi akavaje na muloto, akantsaje kudidimila mu malenga. Akakolaje kuta, "Mutwa ung’uluse!" 31 Luvalalulo Yesu akagololaje liwoko lyake akamubataje na kumulonjela, "Heve munya litumbilo lidodo kwasawuli ya chichi wawene muhwehwe?" 32 Kahi Yesu na Petulo vakakwinasaje mu mtumbwi na ng’ala yila yikakatukaje. 33 Vadahitswa veka wo vavaga mu mutumbwi vakafugamaje na kumuhonamila Yesu na kumulonjela kuta, "Wukweli heve uli mwana va Mulungu."

Yesu angumuponetsa munu yo apotsile muvili gweka

1 Hotsavaga kulutila siku tsitunga, Yesu akawuyaje ku muji gwa Kapelinawumu, na vanu vakatselaje kuta ali hakaye hoikalaga. 2 Luvala lulo vanu wolofu vakakong’anaje mu nyumba yila yoali Yesu mbaka kukavaje kuduhu nyafwasi yoyive, kwasawuli vanu vavaga vamemile mbaka ha lwitsi. Na Yesu akavavikulilaje ndongwa tsa Mulungu. 3 Vakatsaje vanu vatayi yovali vamupisile munu mu lusaga, yoali apotsile muvili gweka vakamuletaje kwa Yesu. 4 Vakalemwaje kumulutitsa halwitsi, kwasawuli ya vanu yovali vamemile mu nyumba yila. Ihyo vakakwinaje kuchanya na kuhima hono hala ho ali Yesu, vakakutubulaje na kumwisa mu lusaga. 5 Yesu avaga kuwona fyo vangumutumbila, akamulonjelaje mutamwa yula yoapotsile muvili, "Mwanangu nguhulumye ndongwa tsako tseka ntsibi." 6 Lechelelo vadahitsi vatunga va malajitso ga Musa yovavaga vichite hono iho vakahotsaje mu numbula tsawo kuta, 7 "Chinu chachi choanlonga munu yuno? Hino angumuliga Mulungu! Kwasawuli kuduhu munu yoyuve yo afuluche kumuhulumila munu ndongwa tsibi, lechelelo Mulungu ng’ani." 8 Luvala lulo Yesu akatselaje cho vahotsaga, nayo akavalonjelaje, "Mbe, ndawuli munhotsa ihyo mu numbula tsenyu? 9 Mbe, chichi cho chipefu? Kumulonjela munu yo apotsile muvili gweka kuta, nguhulumye ndongwa tsako ntsibi, awu kulonga, winuche utole lusaga lwako ubite? 10 Lechelelo ntsin’gana mutsele kuta, heni Mwana va Munu fuluche ntsimuhulumile munu ndongwa tsake tsibi mu inyi." Kaha Yesu akamulonjelaje yula munu yo avaga apotsile muvili, 11 "Ntsingukulonjela, wime utegule lusaga lwako ubite kukaye kwako!" 12 Luvala lulo yula munu yo apotsile muvili akimaje kuno vanu veka vangumulava, akitwikaje lusaga lwake na kuwuka mu nyumba yila. Vanu veka vakapomokaje na kumutsumitsa Mulungu, vakalongaje, "Kuhuma iho sitwali tuluwene lulongwa kota luno!"

Kutajika kwa Latsalo

1 Kwavaga na munu yumwe yo avaga mutamwa yo achemwaga Latsalo. Munu uyo ikalaga ku muji gwa Betsaniya, vikalasaga hamwe na vahatsave wo vachemwaga Maliyamu na Malita. 2 Uyo Maliyamu yo yuyula yo amubasile Mutwa mafuta go gapuchilila ga galama ngomi, na kugapata magulu kwa fwili tsake. 3 Ihyo Vahatsave iwo vakavatumaje vanu kwa Yesu vamulonjele kuta, "Mutwa, yula muyago antamika." 4 Yesu hoavaga kuhulika ihyo, akalongaje, "Latsalo siakufwa kwa wutamwa wuno, ila uwu wukulajila wumelemo wa Mulungu, na kaha wukudita Mwana va Mulungu atsumitswe." 5 Nayo Yesu viyendaga ndalahela na Malita, na Maliyamu na Latsalo muhatsa vawo. 6 Lechelelo Yesu hoavaga kuhulika kuta Latsalo antamika, akendelelaje kuhava kono kuko nayo ichite siku tsinji tsivili. 7 Hambele hotsavaga kulutila siku itso akavalonjelaje vadahitswa vake, "Lelo tuwuye kaha ku Yudeya." 8 Vadahitswa vake vakamulonjelaje, "Mudahitsi, hitsutsitsutsi hela baha Vayawudi vaganaga kukupola kwa maganga kuko, nave un’gana kaha kuwuya kuko?" 9 Yesu akavapitulaje kuta, "Mbe, sikuna masala kumi na gavili ga hamunyi kwa siku yimwe? Ihyo vanu vala veka wo vajendaga hamunyi sivikuvalaga kwasawuli vanguguwona mwangatsa gwa inyi. 10 Lechelelo vanu wo van’jenda hachilo vikuvalaga kwasawuli valihela mwangatsa gwa kuvatanga kulola." 11 Yesu avaga kulonga ndongwa itso akawilaje kaha kuvalonjela, "Muyetu Latsalo avasise tulo, lechelelo heni ntsim’bita ngamulamuse." 12 Vadahitswa vake vakamulonjelaje, bee Mutwa, manyi avasise tulo hela akulamuka. 13 Lechelelo Yesu avaga anlonga kwajili ya chifo cha Latsalo, ila vala vadahitswa vake sivatselaga, vatyaga anlonga kuta Latsalo avasise tulo hela. 14 Ihyo Yesu akavalonjelaje bila kuvafiha kuta, "Latsalo afweye, 15 lechelelo ntsinhechelela kwakuva sintsika kuko Latsalo hoavaga ang’ali kufwa, ili munumbe. Lelo tubite kwake." 16 Tomasi yo achemwaga Mubasa, akavalonjelaje vadahitswa vayage, "Hetwe natwe tubitase na Mudahitsi, manyi kufwa tukafwe hamwe na Mutwa!"

Yesu yo wutsilipuko na Wumi

17 Yesu hoavaga kufika uko afisile muvili gwa Latsalo mwanga gutsisilwe, na guna siku tsitayi kuhuma gutsikwe. 18 Chijiji cha Betsaniya chavaga habehi na Yelusalemu, wutali wake wavaga kota chilomita tsidatu hino. 19 Vayawudi wolofu vavaga vatsitse kuvahongetsa Malita na Maliyamu kwa chivembo cha mung’olotsawo. 20 Nayo Malita hoavaga kuhulika kuta Yesu ankutsa, akabitaje kumutang’anitsa, ila Maliyamu akasigalaje munyumba. 21 Malita akamulonjelaje Yesu, "Bee Mutwa uka uve ulibaha, muhatsa vangu si akakufwa. 22 Lechelelo nambe sambi ntsin’tsela kuta chochive cho ukumusuka Mulungu, akukupela." 23 Yesu akamulonjelaje "Muhatsawo akutsilipuka." 24 Malita akamujibulajekuts ntsin’tsela kuta akutsilipuka ha luvala lwa wutsilipuko ha siku ya wudugo. 25 Yesu akamulonjelaje "Heni yo wutsilipuko na wumi. Mwene yo an’numba heni, na yivaje akufwa akuva mumi, 26 na munu yoyuve yo alimumi na an’numba heni, uyo si akufwa nachene. Mbe, ungulutumba lulongwa ulu?" 27 Malita akamulonjelaje, "Ena Mutwa! Ntsintumba kuta heve yo Chilisito muhagulwa na Mulungu, Mwana va Mulungu yula yo ankutsa mu inyi."

Yesu angumuvembela Latsalo

28 Malita hoavaga kulonga ndongwa itso, akabitaje akamuchemelaje halubali Maliyamu mung’olotse na kumulonjela kuta, "Mudahitsi alibaha angukuchema." 29 Nayo Maliyamu avaga kuhulika ihyo, akasupanitsaje kuwuka na kubita ko ali Yesu. 30 Yesu avaga ang’ali kufika mu chijiji, ila avaga ang’acha hono hala ho itang’ine na Malita. 31 Vala Vayawudi wo vavaga hamwe na Maliyamu munyumba vangumuhongetsa, hovavaga kuwona hila fyo awusile kwa kusupanitsa, vakamufwataje vahotsaga kuta am’bita kukabuli akalomboketse kuko. 32 Maliyamu avaga kufika hono hala ho avaga Yesu, akafugamaje hamagulu gake, na kumulonjela kuta, "Mutwa, uka uve iha muhatsavangu si akakufwa!" 33 Yesu avaga kumuwona Maliyamu anvemba na vala Vayawudi wo vamusindikitse nawo vanvemba, Yesu akawonaje wusungu munumbula yake. 34 Akavaputsaje, "Mumutsisile kwiya?" Vakamupitulaje kuta, "Mutwa, utse uhawone hotumutsisile!" 35 Yesu akavembaje. 36 Ihyo Vayawudi vakalongaje, "Mulave hila fyo amuganaga Latsalo!" 37 Lechelelo vanu vamwe vakalongaje, "Mbe, yuno yo amuponitse yula chibofu, akakulemwa kumuponetsa Latsalo?"

Yesu angumutsilipula Latsalo

38 Kaha Yesu hoavaga na wusungu munumbula yake, akafikaje hala ha kabuli. Kabuli yene yavaga malika, na liganga lyavaga ligubikwe ha winjililo. 39 Yesu akalongaje, "Mulihetse ilyo liganga!" Malita muhatsave va yula yo atajiche akamulonjelaje, "Mutwa, antsitse kunung’a, kwakuva ichite siku tsitayi mukabuli!" 40 Yesu akamulonjelaje Malita, "Mbe, singulonje kuta manyi unumbe ukuwuwona wumelemo wa Mulungu?" 41 Ihyo vakalihetsaje lila liganga. Yesu akinulaje miho gake Kilanga kwa Mulungu akusukaje akalongaje, "Dada vangu ntsingukulumba, kwasawuli heve un’nyulika. 42 Ntsin’tsela kuta heve unyulikaga siku tseka, lechelelo ndontsile hino ili vanu vano wolofu wo vimile hano, ili vitumbe kuta heve yo unumile." 43 Hoavaga kulonga ndongwa itso, Yesu akachemaje kwa litsi likomi kuta, "Heve Latsalo, utse kuno kivala!" 44 Yula yo avaga afweye akahumaje kivala, kuno apilingitswe sanda mawoko na magulu gake, na kaha avaga awopitwe chitambala kumiho. Yesu akavalonjelaje, mumuwopole na kumuleka abite.