10 versículos motivacionais: busque inspiração na Palavra de Deus

9 Hagi Nagra ko' huhankaveti’na hugante’nogu korora osunka oti hanaveti’nenka, kamanogura hunka kahirahikura osuo. Na’ankure Ra Anumzana kagri Anumzamo’na maka kazigama vanantega kagrane vugahue.

31 Hianagi Ra Anumzamofonte’ma, amuha nehu’za zamentintima nehaza vahe’mo’za, kasefa hankave eneri’za tumpamo hiaza hu’za haresga hu’za vano nehu’za, zamagama resnazana zmasafekura nosu’za, kama vanazana zamavesra osugahie.

4 Ana nehu’na knazamo’ma rehanima hige’na, hanimpi neviankna hugahuanagi, anankna zamo’ma eme nazeri havizama hu’zankura korora osugahue. Na’ankure Ra Anumzamoka sipisipi kva vahe’mo’zama e’nerizankna azompaka’ane, sipisipima runeharizankna knonka’a eri’nenka nagrane mani’nanke’na ana zama negogeno’a, narimpamo’a fru nehie.

37 Hakare zana hurantega hazanagi, agatere hankavetia Kraisi’ma avesirante’nemo agra’a mani’ne.

6 Hagi oti hankavetita mani’neta ana vahetminkura korora huta tamagogogura osiho. Na’ankure Rana tamagri Anumzamo’a, tamagrane nevuno vugota huramanteno vugahie. Hagi Agra amefira huoramige, tamatrege osugahie.

Ra Anumzamofoma humuse hunte nunamu zagame Deviti asunte’nea zagamere

1 Ra Anumzamo’a nagri tavi mani’neno, nagu’vazi ne' mani’neankina, nagra na’anku korora hugahue? Ra Anumzamo’a nagrira hankave vihuni’a mani’neanki’na, na’anku nagra nahirahikura hugahue?

5 Anumzamofona mika kagu’areti hunka antahi’neminka, nagrani’a antahintahiretira makazana hugahue hunka osuo. 6 Hanki mikazama hanampina antahiminka agihanta nevazigeno, vanana kana azeri ante fatgo hugantegahie.

9 Hianagi Ramo’a amanage huno nasmine, Nagri nasunkuzamo’a knare kagrira hugantene. Na’ankure hanave ka’a omanesirera, Nagri hanavemo’a knare hugantegahie. E’ina hu’negu, Ramofo hankavemo’a knarezantfa huno refite nantegahiankina hanaveni’a omanesifina muse nehu’na navufga ra hugahue.

Jisasinte negeta tamentinti hanuna naneke

1 Hagi e’i ana hu’negu korapama Anumzamofontema zamentintima hu’naza vahe’mo’za, hamponkna hu’za regagirantenazagu, tazeri knama nehia zane, kumimo’enema rugagino tazeneria zana netreta, Anumzamo’ma tagima hu’nea agamareno tragi zokagopina tagareta kazigazi huta vanune. 2 Tagra tavuraga Jisasinte kentesune, tamentintima azeri knarema huzamofo agafa’a mani’ne. Na’ankure Agranena musezamo avega’antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani’ne.

Anumzamo’a fraki kumati mani’ne hu’za Kora mofavre naga’mo’za hunte’naza zagamere

1 Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie.