10 versículos sobre esperar o tempo de Deus

Fai pɛ ta ná-yeeɠɛɠalai

1 Fai pɛ ma yeeɠɛɠala ɠa ná,

fai kpein ná-yeeɠɛɠala ɠa ná geeɠɔlɔgi wu.

14 Ɠito Ɠɔoɠɔ GALAGI ʋa!

Zɛbɛzeɠe, è yiilɔɔ!

Ɠito Ɠɔoɠɔ GALAGI ʋa!

31 Kɛlɛ niiti ti ɠitogai Ɠɔoɠɔ GALAGI ʋa,

naati sɛbɛi ɠa ɗa niinɛ ʋolu.

Ti ta-ɠoʋegi lɔɔzei eɠɛ koɠɛiti,

ti ɗa ɓizɛ, ti la ɓɔlɔa pɛ,

ti ɗa ziɛ, ti zuvikɛi la ɓega pɛ.

7 Maaɠɛ kpɔ Ɠɔoɠɔ GALAGI ɠaazu, tɔun maaɓɔun,

mina yiiɠaawana naati ma, niiti ti ɓɔɠɔ zɔlɔɔsu,

ɓaa nui naati daalɔɠɔma, niiti ti ɠisu vaa ɲɔiti suɓɛtɛzu.

25 Ɠɔoɠɔ GALAGI laavegɛ ga nuɓɔɠɔlai naama nui ʋɛ nii é ɠitosu ba,

ta zɔi é gaaʋotesu ma.

26 Pagɛ nu maaɠɛ kpɔ,

è Ɠɔoɠɔ GALAGI ná-unmɔɔ fai maaɓɔun.

3 Yeeɠɛɠalai la dɛ zeelini

ga kulakɛlɛmai tɛi daa ʋa zeeli,

kɛlɛ toɠa na maaɓuɠa kɛɛyeei ʋa,

é la valiboga pɛ.

Sulɛbi pa, maaɓɔun,

mazɔlɔɔ daa ɠa zeeli nɔ ti,

é la zeɠea ma pɛ.

5 Nà Ɠɔoɠɔ GALAGI maaɓɔunsu ga zìimaʋɛ pɛ,

ta kìtogɛ daawooi ʋa.

25 Kɛlɛ ni da ɠitosu naa ʋa, nii de la dɛ kaani, da maaɓɔunsu ziilɔɔi zu.

Nu la GALA ná-maawɔinɠai la

7 Nɔ̀un nà, nà wɛlɛzu ga Ɠɔoɠɔ GALAGI ʋɔ pelei,

nà ɠitosu nà-kizo GALAGI ʋa,

nà-GALAGI ɠa gòoɠaaʋote.

9 Ade mina ɓɔlɔ ga faanɛɛ ɠɛɛ vai, mazɔlɔɔ da ʋaazu ma lɔnɔgi zɔlɔɔsu yeeɠɛɠala ʋagɔi zu é ʋaazu, ni de iɲɔ ge la ɠɛ leʋeni, de ʋa ɓɔlɔ.