10 versículos sobre os dons espirituais e como usá-los segundo a Bíblia

4 Ãkab ã nyiĩ a Nziã ãli bibi, kɛn Ɔ̃fel oli ndɛ wuwu.

7 Ŋ’esa oŋɔ̃, me kab li eyɔɔ mbuul bwɛn a mbuul, Ɔ̃fel abesal onse ndɛ me ndɔɔ obvɛ o baal bueel.

10 Ngɔmɔ̃ ngɔmɔ̃ onse byɛ oyɔɔ kab me nyiĩ a Nziã. Oŋɔ̃ ewuaal a bakyɛ me lɔ. M’emfa okyɛ, byɛ ekal asal ba ngesɛ b’atal ãkab ã Nziã m’emfa bwɛn emfa.

2 Mɛ̃ nkoo k’eliaal ɛ̃kiɛɛn ɛ̃ Nziã, mɛ̃ nkoo k’ekwaal otsɛn o mbueel m’ãli m’edziɔɔn, bvool ndi y’oyɛɛ bam bueel. Mɛ̃ nkoo k’ekal y’okiool b’esa kwɛn ãnkio ãmbal k’ãmboo ã mɔ̃, ãyi k’ãmboo ãnkyam. Okɛɛn mɛ̃ ke ndi ye dzii wɛ, mɛ̃ kɛn a mbuul wa ngwel ndi ndɛ.

Kab li oyɛɛn b’ɛ̃kiɛɛn ɛ̃ Nziã ye li oyɛɛn b’ɛ̃nywã

1 Ŋ’ɛ̃kwel kɛn ebii k’ekal ye dzii. Ekal y’efua ki bibi me ndɔɔ ãkab m’Ɔ̃fel, bvel-bvel kab li aliaal ɛ̃kiɛɛn ɛ̃ Nziã.

Ɛ̃tswab onse Ebvɔɔn pyɛ

26 Andoo, oŋɔ̃ esa bwɛn? Ŋ’ebvɔɔn byɛ, mbuul ngɔmɔ̃ okoo k’ayam, wumɔ̃ okoo k’ayiool, wumɔ̃ bvool okoo k’ayɛɛl ndɔɔ, wumɔ̃ bvool okoo k’ayɛɛn ndɔɔ m’ɛ̃nywã, wumɔ̃ hɛ̃ okoo k’akaal yɔ. Kɛn ebvaan kwɛn omɔ̃ mbueel ãsa kwɛn Ebvɔɔn ewam.

6 Kɛn a Nziã owi bia-byɛ ãkab, mɛn k’ãli emfa ngemɔ̃ wɛ. Mɔ̃ ãli m’emfa e nyiĩ yi ésio Nziã bia-byɛ. M’emfa okyɛ, mbuul wu oli ye kab li ayɛɛn ãndɔɔ m’ãfa ola Nziã, yɔɔl kwɛn ndɛ ayɛɛn m’emvɛɛl li okiool.

7 Wa ye kab li awuaal bakyɛ, yɔɔl kwɛn ndɛ akuru nzuru m’ɔ̃sal a ndɛ. Wu ayiool, ayiool ɔ̃kwal ngɔmɔ̃.

3 Me nyiĩ yi esio Nziã mɛ̃, mɛ̃ eyɛɛn byɛ wɛn ngɔmɔ̃-ngɔmɔ̃ onse byɛ abee otsam ndiri ndɛ oli mbuul wu ɔ̃nɛn, m’emfa ki enduru kyɛn ebvaan ndɛ akal. Kɛn a mbuul bwɛn a mbuul atsam ngesɛ, m’emfa ki ɔ̃mvɛɛl wu okiool b’ewi Nziã ndɛ.

Mwɛn fool ye mɛ̃ me ndɔɔ a Nsia yi Ngesɛ

6 Obɔ otsɛn bɛn mɛ̃ ewa yɛ luo wɛn sa kwɛn kab e Nziã li onse yɛ esiool bvool ekaan onge mbaa yi afel. Kab olɔ li éyɔɔ yɛ ŋ’éndɔɔl mɛ̃ yɛ mviɔɔl.