A fé vem pelo ouvir

12 Cã nu ari alidzeari namisa di Iudeilji sh-di Pãngãnjlji, cã idyiul Domnu easti Domnul a tutulor, tsi ghinicuvãnteadzã cu artirsiri tuts atselji cai lu acljeamã, 13 cã: "Caitsido tsi va acljeamã numa a Domnului, va ascapã."

14 Atumtsea, cum va s-acljeamã atsel cai nu l-pistipsirã? Sh-cum s-pistipseascã atsel tsi nu u avdzãrã? Sh-cum s-avdã macã nu easti vãrã s-lã preadicã a lor? 15 Sh-cum s-preadicã, macã nu suntu pitricuts? Ashãtsi di cum easti scriat: "Cãti mushati suntu cicioarili atsilor cai dimãndu hãbarea atsea buna!" 16 Ma nu tuts ascultarã hãbarea atsea buna, cã Isaia dzãtsi: "Doamne, cai lji pistipsi a hãbariljei a noastrã?" 17 Ashãtsi pistea yini prit avdzãrea sh-avdzãrea yini prit zborlu al Hristos.

2 Mash aestã voi s-aduchescu di la voi: Lu loat Duhlu prit faptili a legiljei, icã prit pistipsirea tsi avdzãt?

13 Tutashã, sh-voi earat mpriunat tu Hristolu cãndu avdzãtã zborlu a alihiljei, evanghelu a ascãpariljei a voastrã. Cãndu voi pistipsit, vã vulusit cu Duhlu Sãmtu, cai eara tãxit. 14 Aestu Duh easti cãpara a mushtiniriljei a noastrã, trã arãscumpãrarea atsilor cai suntu a Dumnidzãlui sh-trã alãvdarea a mãririljei a lui.

24 Dealihea ma vã dzãc: Atsel tsi ascultã zborlu a meu sh-pistipseashti la atsel tsi mi ari pitricut, ari banã eternã, sh-elu nu yini la giudicari, ma ari tricut di la moarti tu banã.

25 Dealihea ma vã dzãc, ma yini oara, meti ari vinitã, cãndu mortsãlji va s-avdã boatsea a Hiljilui a Dumnidzãlui, shi atselji tsi u au avdzãtã va s-bãneadzã.

44 Vãrã nu poati s-yinã la mini, ma fu cã Tatãl tsi mi ari pitricut nu va lu-tragã sh-mini va lu-nyedz tu dzua di soni. 45 La Prufitsilji easti scriatã: ‘Tuts va s-hibã nvitsats di la Dumnidzãlu.’✝ Caitsido, tsi ari avdzãtã sh-nvitsatã di la Tatãl, yini la mini. 46 Vãrã nu lu ari vidzutã Tatãl, mash atsel tsi easti di la Dumnidzãlu. Elu singur lu ari vidzutã Tatãl. 47 Dealihea ma vã dzãcã, cai pistipseashti tu mini ari bana eternã.

28 Ma Isusul lã dzãsi: "Ma ghini ca hara di atselji tsi ascultã zborlu al Dumnidzãu shi lu fac."

23 Cai ari ureclji ti avdzãri, s-avdã!"

15 Deapoea lã dzãsi a lor: "Njidzets la tutã lumea sh-predicats evanghelu a tutulor.

14 Ashã tu elji si mplineashti prufitsia al Isaia, tsi dzãtsi:

‘Voi dealihea va avdzãts, ma nu va aduchits,

dealihea va mutrits, ma nu va videts.

15 Cã inima a popului aishtui easti ni sãmtsãt,

elji suntu faptã grelji di ureclji

sh-au ncljisã ocljilji,

tra s-nu veadã cu oclji

s-nu avdã cu ureclji,

s-nu giudicã cu inima

shi s-nu s-toarnã,

sh-mini s-lji vindicã.’

16 Ma ca hara di ocljilji a voshtri cã ved sh-urecljili a voastri cã avdu.

10 Deapoea acljimã multsãmea aproapi di nãsu sh-lã dzãsi: "Ascultats sh-aduchits!

3 Rugats-vã tutashã sh-trã noi, tsi Dumnidzãlu s-nã discljidã a noauã usha trã zborlu, trã dimãndari mistiryiul a Hristolui, trã cai sh-mini escu tu prãnghi.