1 Voi s-dzãc cã di cãt chiro tsi un mushtinitor easti nicriscut, elu nu s-aleadzi di un sclav, cu tut cã easti nicuchirlu a tutã aveariljei. 2 Mushtinitorlu easti sum vigljitorlu sh-administratorlu pãnã tu chirolu tsi easi arãdãpsit di la tatã-su. 3 Ashãtsi sh-noi, cãndu earam nicriscuts, noi fum sumbãgats a fuchiilor sufliteascã dit lumi. 4 Ma cãndu chirolu arãdãpsit vini, Dumnidzãlu pitricu Hiljilu a lui, amintat di unã muljeari sh-nãscut sum lege, 5 trã arãscumpãrari atselji tsi eara sum lege, tsi noi s-puteam s-nã fãtseam hiljilji a Dumnidzãlui. 6 Cã voi hits hiljilji a lui, Dumnidzãlu pitricu Duhlu al Hiljilui a lui tu ininjli a noastri, Duhlu tsi acljeami: "Abba, Tatã!" 7 Ashãtsi cã voi nu hits ma sclayi, ma hiljilji a Dumnidzãlui, sh-metsi voi hits hiljilji a lui, Dumnidzãlu vã ari faptã sh-mushtinitori.

8 Ma nãinti, cãndu voi nu lu cunushteat Dumnidzãlu, voi earat sclayi atsilor tsi dealihea nu suntu dumnidzadz. 9 Ma tora tsi voi lu cunushtets Dumnidzãlu icã ma ghini s-dzãtsem, hits cunuscuts di la Dumnidzãlu, cum di vã turnat la fuchiili slabi sh-urfãnami sh-vrets s-vã sclãvuits nãpoi di atselji? 10 Voi sãrbãtorits niscãnti dzãli, meshi, sezoni sh-anji. 11 Am fricã cã mi munduii di vãnat trã voi. 12 Vã fac rigeai, frats shi surãri, s-vã fãtsets ca mini, tsi sh-mini s-mi fac ca voi. Voi nu nj-avets faptã vãrã arãu.

13 Cum shtits, fu trã itia a unei lãngoari tsi mini di prota oarã vã dimãndai evanghelu a voauã. 14 Cu tutã cã lãngoarea a mea eara munduiri trã voi, voi nu mi atinjisit sh-nu mi arnisit. Ma aljumtrea, voi mi aprucheat ca un anghil a Dumnidzãlui, canda s-eara idyiul Hristolu Isus. 15 Atumtsea, iu easti ghinicuvintarea a voastrã trã mini? Mini mãrtirsescu cã ma si eara putut voi va scuteat ocljilji a voshtri shi s-nji li dãdeat a njia. 16 Tora mi feciu mini dushmanlu a vostru cã vã dzãsh alihea? 17 Atselji oaminji si spunã cu zel tra s-vã amintã a voauã, ma trã scupadz arãi. Atselji vor s-vã dipãrteadzã di noi shi s-njidzets dupã nãshi cu zel. 18 Easti ghini s-hits totãna cu zel trã ghineatsa, ma nu mash cãndu mini escu cu voi. 19 Cilimenjlji a melji vruts, tsi mini escu tu dureari di amintari pãnã cãndu Hristolu s-hibã adrat tu voi! 20 Cãt va s-vream s-earam ningã voi tora shi s-alãxeam boatsea a mea, cã nu shtiu tsi s-fac cu voi!

21 Dzãtsets-nji, voi tsi vrets s-hits sum lege, nu aduchitsã tsi dzãtsi legea? 22 Cã easti scriatã Abrahamul avea doi hilji: un di muljeari sclavã sh-un di muljeari liberã. 23 Hiljilu a muljeariljei sclavã s-amintã dupã trup, ma hiljilu a muljeariljei liberã s-amintã prit tãxirea a Dumnidzãlui. 24 Aesti lucri suntu spusi ca unã alegorii. Doauli muljeri suntu ca doauã pisti-ligãturi. Unã di atseali pisti-ligãturi dit Muntili Sinai tsi amintã cilimenji a sclãyiiljei, easti Hagar. 25 Hagar tsi va s-dzãc Muntili Sinai tu Arabii, undzeashti cu Ierusalemlu di azã, cã ea easti tu sclãyii cu cilimenjlji a ljei. 26 Iarã muljearea liberã pãrãstiseashti Ierusalemlu di nsus cai easti muma a noastrã. 27 Cã easti scriatã:

"Hãrsea-ti muljeari stearpã, tini tsi nu amintsã,

aurlã di harauã sh-grea cu boatsi analtã,

tini tsi nu avush durearili a amintariljei,

cã ma multsã suntu hiljilji a muljeariljei apãrãtsitã,

di cãt atsiljei tsi ari bãrbat."✝

28 Tora voi, frats shi surãri, ashã ca Isacul, hits cilimenji a tãxiriljei. 29 Atumtsea hiljilu amintat dit trup priaĝunea hiljilu amintat prit putearea a Duhlui. Sh-azã ashã undzeashti. 30 Ma tsi dzãtsi Scritura? "Aĝunea muljearea sclavã cu hiljilu a ljei, cã hiljilu a sclavãljei nu poati s-hibã mushtinitor deadun cu hiljilu a muljeariljei liberã."✝ 31 Trã atsea, frats sh-surãri, noi nu him cilimenjlji a sclavãljei, ma cilimenjlji a muljeariljei liberã.