A fé vem pelo ouvir
A fé vem pelo ouvir, e o ouvir pela Palavra de Cristo. Quando a Palavra é proclamada, a fé nasce nos corações. Ouvir a Deus é o primeiro passo para crer e seguir.
A fé vem pelo ouvir
A fé vem pelo ouvir, e o ouvir pela Palavra de Cristo. Quem ouve a Palavra crê e obtém a salvação eterna.
परमेशर आसा सोभिओ मालक, सह निं यहूदी अर यूनानी दी किछ़ै भेद करदअ। सह शूणां सोभिए ज़ुंण तेऊओ नाअं लआ। किल्हैकि पबित्र शास्त्रा दी आसा इहअ लिखअ द, "ज़ुंण बी प्रभू का मज़त मांगे, सह जाणअ बच़ी।"
इज़राईली निं खुशीओ समाद मनअ
पर प्रभू का मज़त मांगणै का आजी आसा तिन्नां तेऊ दी विश्वास करने ज़रुरत। तिंयां तेऊ दी विश्वास करी सके तेता का आजी आसा तिन्नां तेऊए बारै शुणने ज़रुरत अर तिंयां प्रभूए बारै शूणीं सके तेता लै हुअ तिन्नां का कहा खोज़णअ ज़रूरी। ज़ुंण मसीहे बारै तिन्नां का खोज़े तिंयां निं तेभै तैणीं किछ़ करी सकदै ज़ेभै तैणीं परमेशर तिन्नां आप्पै निं छ़ाडे।
ज़ै कुंण विश्वासी प्रच़ार करे, अह हणीं शास्त्रा दी लिखी दी गल्ला ज़ेही, "तिन्नां लोगो एछणअ किअ भलअ हआ ज़ेभै तिंयां खुशीओ समाद खोज़ा।"
पर सोभी निं खुशीए समादा दी विश्वास किअ, परमेशरो गूर ईशायाह बोला आसा इहअ बोलअ, "हाम्हैं ज़ुंण समाद खोज़अ तेतो निं कोही विश्वास किअ।"
"विश्वास हआ समाद शूणीं अर समाद आसा मसीहे बारै बैण।"
हुंह च़ाहा तम्हां का सिधअ इहअ ज़ाणनअ कि तम्हां कै पबित्र आत्मां यहूदी बधाने साबै कामां करी भेटी? नां, तम्हैं शूणअ खुशीओ समाद अर तम्हैं किअ तेथ विश्वास अर तै भेटी तम्हां पबित्र आत्मां।
ऐबै शूणअ तम्हैं होरी ज़ाती बी शुचअ बैण, ज़ुंण खुशीओ समाद आसा कि परमेशरै दैनअ तम्हां लै उद्धार। ज़ांऊं तम्हैं मसीहा दी विश्वास किअ तेऊ बणाऐं तम्हैं बी पबित्र आत्मां दैई आपणैं, ज़ेते तेऊ खास्सी साला पैहलै करार ती किई दी। किल्हैकि परमेशरै आसा हाम्हां लै पबित्र आत्मां दैनी दी, तेता करै हआ हाम्हां निहंचअ कि तेऊ दैणीं हाम्हां लै तिंयां भली गल्ला ज़ेतो तेऊ हाम्हां लै बाहिदअ आसा किअ द। सह हणअ तेभै ज़ेभै परमेशर हाम्हां पठी निंए बच़ाऊई ज़ुंण हाम्हैं तेऊए आपणैं लोग आसा, एता करै हणअ परमेशरो अदर अर प्रतप्प प्रगट।
"हुंह खोज़ा तम्हां का सत्त कि ज़ुंण मेरअ बैण शूणीं मुंह छ़ाडणैं आल़ै दी विश्वास करा, सदा रहणैं आल़ी ज़िन्दगी आसा तेऊए अर तेऊ लै निं सज़ा हणीं। पर सह मुक्कअ मौता पार करी सदा रहणैं आल़ी ज़िन्दगी लै डेऊई।
"हुंह खोज़ा तम्हां का सत्त कि इहअ बगत आसा एभै अर इहअ ई हणअ कि मूंऐं दै शुणनअ परमेशरो बैण, अर तेता शूणीं हणैं तिंयां ज़िऊंदै।
मुंह सेटा निं ताऊं तैणीं कोहै एछी सकदअ ज़ांऊं तैणीं मेरअ बाब परमेशर तेऊ मुंह सेटा लै नांईं आणे, ज़ुंणी हुंह छ़ाडअ द आसा। ज़ुंण मुंह सेटा एछे, सह करनअ मुंह खिरीए धैल़ी ज़िऊंदअ।
"परमेशरे गूरै आसा पबित्र शास्त्रा दी इहअ लिखअ द कि तिन्नां सोभी लै हणीं परमेशरै आप्पै शिक्षा दैनी दी, ज़ुंणी बाब परमेशरा का शूणअ अर शिखल़अ द आसा, सह एछा मुंह सेटा लै।ईशा. 54:13
"बाब परमेशर निं कोही भाल़अ। सिधअ मंऐं आसा सह भाल़अ द ज़ुंण स्वर्गा का आसा छ़ाडअ द।
"हुंह खोज़ा तम्हां का सत्त कि ज़ुंण विश्वास करे, सदा रहणैं आल़ी ज़िन्दगी आसा तेऊए।
Ouvir e obedecer
Felizes os que ouvem a Palavra de Deus e a praticam. Quem tem ouvidos ouça o que o Espírito diz.
ईशू दैनअ तिन्नां लै ज़बाब, "हाँ, पर परमेशरा दैआ तिन्नां लै बर्गत ज़ुंण परमेशरो बैण शूणां अर तिहअ करा बी।"
"ज़ै तम्हैं एता समझ़णअ च़ाहा, तै दैऐ ऐहा गल्ला दी धैन कि मंऐं एभै तम्हां का किज़ै बोलअ।"
ईशू बोलअ तिन्नां लै, "तम्हैं डेओआ सारै संसारै, अर सारै संसारे सोभी ज़ातीए लोगा का खोज़ा खुशीओ समाद।
"तिन्नें बारै आसा परमेशरे गूर ईशायाह इहअ बोलअ द कि
‘मेरी गल्ला ता हेरनी तम्हां शूणीं
पर तम्हां निं समझ़ पल़णीं।
आछी का हेरनअ तम्हां भाल़ी
पर तम्हां का निं शुझणअ आथी।
किल्हैकि इना लोगो मन्न आसा पात्थरा ज़िहअ काठअ हुअ द।
ईंयां निं मेरी गल्ला शुणदै,
इनै आसा आपणीं आछी मुंदरी डाही दी कि
इहअ निं हआ कि इने आछी का शुझिए अर,
इने काना का शुण्हिंए अर
इने मन्नैं समझ़ एछे, अर ईंयां मुंह सेटा बापस फिरे
अर हुंह इना नरोगै करूं।’
"पर परमेशरै दैनअ तम्हां लै इना गल्ला आपणीं आछी भाल़णेंओ मोक्कअ कि तम्हां का शुझिए अर तम्हैं किऐ तेऊ इहै कि तम्हैं तेऊओ समाद शुणें अर तेता समझ़े।
छ़ोत लाणैं आल़ी गल्ला
तेखअ शादै ईशू तिंयां लोग आप्पू सेटा लै संघा बोलअ, "मेरी गल्ला शूणां अर ऐहा गल्ला समझ़ा।
ओ मेरी परज़ा! ओर्ही एछा मुंह सेटा लै, धैन दैआ,
मुंह सेटा एछा, तै रहणैं तम्हैं ज़िऊंदै!
मुंह करनी तम्हां संघै सदा लै करार अर
तम्हां लै दैणीं मुंह बर्गत ज़ुंण मंऐं राज़ै दाबेदा लै ज़बान दैनी ती।
मेरै मालक बिधाता बोलअ मुल्है कि तूह डेऊ संघा खोज़ इज़राईली परज़ा का मेरअ समाद, "च़ाऐ ज़ेतरअ बी तम्हैं शुणें, तम्हां निं समझ़ पल़णीं। च़ाऐ ज़ेतरअ बी तम्हैं भाल़े, तम्हां का निं थोघ ई लागणअ कि किज़ै आसा हंदअ लागअ द।" तेखअ बोलअ बिधाता मुल्है इहअ, "इनो मन्न दै लड्डी हणैं, कान कर इने टौणैं अर इने आछी कर कांणी ताकि ईंयां नांईं समझ़े, नां इना का शुण्हिंए अर नां इना का शुझिए। ज़ै इना समझ़ एछदी, ज़ै ईंयां शुणदै अर ज़ै इना का शुझदअ, तै फिरनैं तै ईंयां मुंह बाखा अर मुंह दैणैं तै ईंयां नरोगै करी।"
एता संघा-संघा रहा हाम्हां लै बी प्राथणां करदै लागी कि परमेशर हाम्हां लै बी बैणा खोज़णा लै इहअ दुआर खोल्हे कि हाम्हैं मसीहो सह भेद तम्हां का समझ़ाऊई सकूं। ज़ेऊ बैणा खोज़णैं पिछ़ू हुंह कैद आसा किअ द।