A palavra

12 परमेश्वरके वचन ते काम कर्ती रना और जित्ती बा। यी दुनु ओहोँर धार रहल तरवालसे फेन चोखुर बा। यी भित्तर जाके प्राण और आत्माहे अलग करदेहत, अथवा गाँठीगुँथा और हड्डीहे फेन काट्देहत। परमेश्वरके वचन मनैनके मनके विचार और चाहनाहे फट्कारसे जाँचत।

वचन देहधारी हुइलाँ

1 यी पूरा संसारके सृष्टि हुइनासे आघे ऊ रहे, जिहिहे वचन कहिजाइत, और ऊ परमेश्वरके संग रहे, और वहे परमेश्वर रहिँत। 14 जिहिहे वचन कहिजाइत, ऊ मनैयक रुपमे अइलाँ और अनुग्रह और सच्चाइसे पूरा होके हमार बिच्चेम वास बैठ्लाँ। हम्रे हुँकार असिन महिमा देख्ली। जोन महिमा बाबक एक्केथो छावक किल रहत।

63 जीवन देहुइया आत्मा हो, शरीरमेसे कुछु फाइदा नै हुइत। जोन वचन मै तुहुरिन्के संग बोलल बतुँ, उ आत्मा और जीवन हो।

3 मै तुहुरिन्हे सिखाइल शिक्षासे तुहुरे आग्गिहीँ शुद्ध होसेकल बतो।

4 पर येशू जवाफ देलाँ, "पवित्र शास्त्रमे लिखल बा,

‘मनैया रोटीसे किल नै,

पर परमेश्वरके कहल हर वचनहे मानके जित्ती रहत।’"

35 आकाश और पृथ्वी नाश होजाई, पर जोन मै कनु ऊ सदादिन पलिरही।"

15 तुँ जतरा कर्रा मेहनत करे सेक्थो ओत्रेहे करो। ताकि परमेश्वर तुहिन्हे एकथो असिन कामदारके रुपमे पूरा रुपसे स्वीकार करे सेकिँत, जोन कामदारहे अपन कामके कारण लजाई नै पर्थिस, और जे सच्चा सन्देशहे सही तरिकासे सिखाइत।

2 मै तुहुरिन्हे भर्खर लावा जल्मलक लरकनसे तुलना करथुँ। एकथो लावा जल्मलक लरकाहे बल्गर हुइती बह्रक लग रोट्दिन उहिहे दाईक दूध चहथिस। ओस्तेहेँके तुहुरिन्हे फेन परमेश्वरके वचन सुन्ना इच्छा हुई परत। ताकि परमेश्वरकेमे तुहुरिन्के विश्वास पक्का होए। और परमेश्वर तुहुरिन्हे बँचाई सेकिँत।