A palavra

12 Ana God kamo yogwa i, kor moglsre, kogon yobuglo ere moglkwa. Te, bainet ta dra aket aket nogwa i, podo nogwa ba God kamo bainet i egre tedre, nogwa. Ana yoba bugla togidre, dem muduo i nogugl edimere mere yegl, God kamo i, nono nomano, kwiano ya, deno muduno siragl mere paugwa i, togo i nogugl edugwa. Nono nomano mina siragl mere prumga ya kide wakai deno muduno mina prumga i, ere i nogugl edugwa.

God siragl mere moglkwa i, Jisas i nogugl ede norukwa

1 Okna kaima ibo taragl ta plau dikrukwa igne, Ka mogl kodugwa. Ka i God bogl akie miurka te, Ka i yene God moglkwa.

14 Ka i u yoba pidre, ede makandigle ugo, no yoba bogl akie munga. Mungo, ye siragl mere wakai yene moglkwa i kamga. Wakai yene moglmedi kamga i, God Wam swara moglkwa i, wakai yene yegl morabuka. Te, ye moglkwa i, ye ege ege dem muduo yoko kaima norsre, ka kaima keme di norukwa.

63 Jisas yegl didre, ama yegl dugwa, Yoba ta yene yobuglno mina aimadi kamin kor moglkraiglkwa ba God Murubuglomo swara ye kor moraiglmedi eran, moraiglkwa. Te, na kana ene di teiga i swara mina God Murubuglo ene kor moraiglmedi tenabuka.

3 Ana na ka di teimara i, ene pre igwa pre ye ene bagl ere wakai ere kodugo, ene deglbi yeikrikwa.

4 Yegl dugwa ba Jisas di ikne ede te, yegl dugwa, God kamo mina yoba ta yegl boglkwa, Yoba bret keme i nedre, kor moglkraiglmiwa. Ye God kamo mudu swara swarade idre, kor kaima moraiglmiwe* di, yegl boglme dugwa.

35 Kamun mitna ibo ya dumo makan dudunabuka ba na kana ta dudukre, aimadi kamun pai morabiwe dugwa.

15 Timoti yo, ene kogon eratnara i, God wakai kanabedi ye kamo wakai ere bekenatnga! Ene yegl etn, ene God kamo, kaima paugwa i, kuno ere yoba di tedre, agai ta goglkratnga paugwa.

2 Kide kodidre, gak kuglabu am ege ege nenamnedi primere yegl, God kamo i, am mere yegl ege ege nenamnedi prio. Am i, taragl kide swara ta atne paikrukwa pre ene nebi, God ene ere yumara i mina ene yakidre, yoba mere yegl moraiglkwa.