A última palavra vem do Senhor
A última palavra pertence ao Senhor. Os planos do homem estão sujeitos à soberania de Deus. Ele rege toda a história e nenhum de seus propósitos pode ser frustrado.
Nasa tao ang pagpaplano,
ngunit ang Panginoon ang nagpapasya
kung magaganap ito o hindi.
Ang lahat ay nilikha ng Panginoon
na mayroong layunin,
kahit na nga ang masasamâ,
itinalaga sila para sa kapahamakan.
Ang Diyos ay hindi tao na magsisinungaling,
o magbabago ng kanyang isip.
Nagsasabi ba siya ng hindi niya ginagawa?
Nangangako ba siya ng hindi niya tinutupad?
Sinabi ng Panginoon kay Moises, "May hangganan ba ang aking kapangyarihan? Makikita mo ngayon kung mangyayari ang sinabi ko o hindi."
Ganyan din ang aking mga salita,
hindi ito mawawalan ng kabuluhan.
Isasakatuparan nito ang aking ninanais,
at isasagawa ang aking layunin
kung bakit ko ito ipinadala.
"Ako ang Panginoon, ang Diyos ng lahat ng tao. Mayroon bang bagay na hindi ko magagawa?
"Alam ko pong magagawa ninyo
ang lahat ng bagay,
at walang sinumang makapipigil sa inyong mga balak.
Ginagawa ng Panginoon
ang anumang nais niya
sa langit, sa lupa, sa dagat
at sa kailaliman.
Bago pa man likhain ang anumang bagay, naroon na si Kristo, at sa pamamagitan niya ang lahat ay nananatiling nasa kaayusan.
Ang langit at lupa ay maglalaho, ngunit ang mga salita koʼy mananatili magpakailanman.
Sinasabi ko na darating ang araw na iyon. Ako, ang Makapangyarihang Panginoon, ang nagsasabi nito.
Sa katunayan, hindi ninyo alam kung ano ang mangyayari sa inyo bukas. Sapagkat ang buhay ay parang hamog na lilitaw nang sandali at mawawala pagkatapos. Kaya nga, ito ang dapat ninyong sabihin: "Kung loloobin ng Panginoon at mabubuhay pa tayo, ganito o kaya ganoon ang gagawin natin."