12 Manang ya kadég na dumawat aw mangintu-u kanan, pig-atagan nan silan na katundanan na ma-imoꞌ mangayseꞌ na Tyumanem.

16 Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan.

6 Aw tyumubag si Jisus kanan, "Aku ya agiyanan, aku ya katinawan, aw aku ya lyekatan sa ginawa na walaꞌ ya katigkasan. Walaꞌ ya pangkay sambuk na makakadtu ni Ama kun diliꞌ magi kanak.

9 Kay kun ubat-ubat mu adti eped na utaw na si Jisus ya Matas na Pangulu aw kun mangintu-u kaw na pigmataw sakanan na Tyumanem lekat adti pagkamatay, na, paluwa-en kaw saba.

23 Kay ya tandan sa salaꞌ, yan ya pagpa-emel-emel na Tyumanem na walaꞌ ya tyamanan. Manang ya pig-atag na Tyumanem na walaꞌ ya bayad, yan ya ginawa na walaꞌ ya katigkasan asuntu na nyakasambuk da kitadun kan Kristu Jisus na kanaten Matas na Pangulu.

21 Aw pangkay singalan ya magtawag adti Tyumanem, paluwa-en saba sakanan.’ "*

38 Aw tyumubag si Pédro kanilan, "Ya tagsambuksambuk kamayu, selseli ya manga salaꞌ mayu aw pagpaba͡utismu kamu dun ni ngalan ni Jisu-Kristu, aw lanasen na Tyumanem ya manga salaꞌ mayu, aw madawat mayu ya kanan Ispiritu.

12 Aw yan oloꞌ ya makapaluwaꞌ kanaten lekat adti pa-emel-emel na Tyumanem, kay walaꞌ ya eped na ngalan na pig-atag adti utaw na makapaluwaꞌ kanaten. Kan Jisus oloꞌ ngalan."

31 Aw tyumubag silan, "Pangintu-u kaw kan Jisus na yan ya Matas na Pangulu, aw makaluwaꞌ kaw, dala ya manga ka-epedanan mu adti balay."

9 Manang kun ubat tadun adti Tyumanem ya kanaten manga salaꞌ, na, lanasen nan saba. Aw linisan nan uman ya kanaten anenganeng sa kadég na malatay, kay kasaligan sakanan aw alag matinaw ya kanan pagbayaꞌ.

20 Pakanyegi! Nyindeg aku asini gisakan aw migtatawag aku, "Ini aku!" Pangkay singalan ya dumengeg sa tatawag ku aw uwangan nan ya tatakep na suwangan, sumeled aku saba aw sumalu aku kanan kuman.