Aceitar Jesus
Aceitar Jesus é a decisão mais importante da vida. Quem o recebe como Senhor e Salvador recebe vida eterna, perdão completo e a presença permanente do Espírito Santo.
ಕತೋಬಿ ಕೋಣ್-ಕೋಣ್ ಇನ ಮಳೈಲಿದುಕಿ, ಕತೊ ಇನ ನಾಮ್ಪರ್ ವಿಶ್ವಾಸ್ ಕರ್ಯುಕೀ, ಇವ್ಣುನ ದೇವ್ನ ಲಡ್ಕಾ ಹುವಾನ ಹಕ್ ದಿದೊ.
ದೇವ್ನೆ ಆ ಜಗತ್ನು ಅದ್ಮಿನ ಕೆತ್ರೇಸ್ಕಿ ಜಾ಼ಖ್ಹತ್ ಪ್ಯಾರ್ ಕರೀನ್, ಇನೊ ಏಕ್ನೊ-ಎಕ್ಕಸ್ ಛಿಯ್ಯಾನ ದಿದೊ; ಇನ ನಂಬವಾಳು ಏಕ್ಬಿ ಮರ್ನುನಾತೆ ಹರೇಕ್ನ ಹಮೇಶಾನಿ ಜಿ಼ಂದ್ಗಿ ಮಳ್ಣು ಕರಿ ಇನ ದಿದೊ.
ಯೇಸುನೆ ಇನ, "ಮೇಸ್ ಮಾರಗ್ಬಿ, ಖ್ಹಾಚಾಬಿ, ಜಾನ್ಬಿ ಹುಯಿರ್ಹೋಸ್. ಮಾರೇಥಿ ಕೊಂತೆ ಕೋಣ್ಬಿ ಬಾಕನ ಆವಾನ ಕೋ ಹುವಾನಿ.
ತೂ, "ಯೇಸುಸ್ ಪ್ರಭು" ಕರಿ ಮ್ಹೋಡೇಥಿ ಬೋಲ್ನು ದೇವ್ ಯೇಸುನ ಮರ್ಯಹುಯಮಾಥು ಉಠಾಡ್ಯೊಕರಿ ದಿಲ್ಮ ವಿಶ್ವಾಸ್ಕರ್ಯೊತೊ, ತೂ ರಕ್ಷಣೆಲೀಶ್.
ಶನಕತೊ ಪಾಪ್ ದೇಯಿತೆ ಮಜ಼್ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್ಗೀಸ್.
ಕತೋಬಿ, ಕೋಣ್ ಪ್ರಭುನು ನಾಮ್ನ ಬೋಲಸ್ಕಿ ಯೊ ಹರೇಕ್ನಾಬಿ ರಕ್ಷಣೆ ಉಶೆ, ಕರಿ ದೇವ್ ಬೋಲುಕರಸ್.
ಪೇತ್ರನೆ ಇವ್ಣುನ ತುಮಾರಮ ಹರೇಕ್ಜ಼ಣುಬಿ ತುಮಾರ ಪಾಪ್ನಖ್ಹಾಜೆ ಪಶ್ಚತ್ತಾಪ್ ಕರೀನ್ ದೇವ್ಭಣಿ ಫರಿನ್ ಯೇಸು ಕ್ರಿಸ್ತನ ನಾಮ್ಪರ್ ಬ್ಯಾಪ್ತಿಸ್ಮ ಲೇವೊ. ತದೆ ದೇವ್ ತುಮಾರಿ ಪಾಪ್ನ ಅಖ್ಖು ಕ್ಷಮಾ ಕರ್ಶೆ, ತದೆ ತುಮೆ ಪವಿತ್ರಾತ್ಮ ದಾನ್ನ ಲೀಲಿಶು.
ಆವ್ಣುತೆ ರಕ್ಷಣೆ ಬಿಜು಼ ಕಿನಾಮಬಿ ಮಳ್ಶೆಕೊಯ್ನಿ; ಇನ ನಾಮ್ಥೀಸ್ ಪಣ್ಕಿ ಆಬ್ನ ಹೇಟ್ ಅದ್ಮಿನ ದೀರಾಖ್ಯುತೆ ಬಿಜ಼ ಖೆವ ನಾಮ್ಥಿಬಿ ಅಪ್ಣುನ ರಕ್ಷಣೆ ಕೋಉಷೇನಿ. ಕರಿ ಬೊಲ್ಯೊ.
ಇವ್ಣೆ ಇನ, "ಪ್ರಭು ಯೇಸುಪರ್ ವಿಶ್ವಾಸ್ ಕರ್ ತದೆ ತುನಾಬಿ ತಾರ ಘರ್ವಾಳಾನಾಬಿ ರಕ್ಷಣೆ ಮಳ್ಶೆ" ಕರಿ ಬೊಲ್ಯೊ.
ಕತೋಬಿ ಅಪ್ಣೆ ಅಪ್ಣ ಪಾಪ್ನ ಮಾನೀನ್ ಬೋಲಿಲಿದತೊ ತದೆ ವಿಶ್ವಾಸ್ವಾಳೊಬಿ ನೀತಿವಾಳೊಬಿ ಹುಯಿರ್ಹೋತೆ ದೇವ್ ಅಪ್ಣಪಾಪ್ನ ಕ್ಷಮಾಪಣ್ ಕರಿನ್ ಅಖ್ಖಿ ನೀಚ್ಕಾಮ್ಥಿ ಅಪ್ಣುನ ಪಾಕ್ಕರಶೆ.
ಹಂದೇಕ್ ಖ್ಹಾಮ್ಣೆ ಭೀರಿನ್ ಬಾಕಲ್ ಖಟ್ಕಟಾವ್ ಕರುಸ್, ಕೋಣ್ತೋಬಿ ಮಾರಿ ಆವಾಜ಼್ನ ಖ್ಹಮ್ಜಿನ್ ದರ್ವಾಜು಼ ಕಾಡ್ಯತೊ, ಮೇ ಮಹಿ ಐನ್ ಇನ ಜೋ಼ಡೆ ಖಾಣು ಖೈಶ್. ಯೊ ಮಾರಿ ಜೋ಼ಡ್ಮ ಖಾಣು ಖಾಶೆ.