7 Wovon u Vuzavaguɗu u ɗaɗa ugiti u kuyeve,

ama kalau ka goyo ta̱ cicoꞋo n odoki.

10 Wovon u Ka̱shile u ɗa u giti ugboji,

kpamu kuyeve ku Vuza ciɗa nanlo ɗaɗa kuyeve.

33 Wovon u Ka̱shile kuyotsongu su ku ugboji ku ɗa,

kpamu sai vu goyo ka̱cika̱nu, yeve ka̱ta̱ vu ciya̱ tsugbayin.

16 U lata̱ vu okpo n unambi n wovon u Vuzavaguɗu,

ana va kuciya̱ udukuyan wa̱ a̱bunda̱i koɓolo n atakaci.

13 Wovon u Ka̱shile, u ɗaɗa vu iwan kagbanigbani,

ugbamukaci, n a̱ra̱ɗi, n uye u kagbanigbani.

n kadanshi ka kuya̱nsa̱, n iwan ta̱ kaꞋa.

4 U ka̱ni u kaci n wovon u Ka̱shile,

udukuyan u ɗa n tsugbayin n wuma.

7 Ka̱ta̱ vu ɗika ka̱cika̱nu vuza vu cicoꞋo ɗa ba,

pana wovon u Vuzavaguɗu

vu ka̱sukpa̱ ka gbani-gbani.

8 Ɗa baci vu yaꞋan nanai, wi ta̱ o kokpo an a̱guma̱ a singai,

a na o ku potsotongu untsu a̱ nu ka̱ta̱ a̱ ɓa̱nka̱ mɓa̱la̱ n nu.

30 KuyaꞋan ku gaye u kuna u gbani u ɗa,

ama vuka vu na vu tsu pana wovon u Ka̱shile, a̱ yi ɗa ili ku cikpa.

13 Gogo na a pana ta̱ ili nampa ra̱ka̱,

ukoci u kadanshi u ɗa na.

pana wovon u Ka̱shile ka̱ta̱ vu tono wila̱ u ni,

adama a na ɗaɗa koci ulinga u vuma.

10 Wovon u Vuzavaguɗu u ɗa ugiti wu ugboji,

aza a na o tsu tono wila̱ u ni dem,

a̱ tsu ciya̱ ta̱ kuyeve ku singai.

YaꞋan a cikpa yi ko wannai.

1 Cikpai Vuzavaguɗu, vuza vu ma̱za̱nga̱ ɗa,

a̱yi na u tsu pana wovon u Vuzavaguɗu,

a̱yi na u tsu pana uyoꞋo

u kutono kadanshi ka̱ ni.

1 Aza a̱ ma̱za̱nga̱ a ɗa ra̱ka̱

aza a na i a kupana wovon u Vuzavaguɗu,

aza a na i a nwalu a uye u ni.

18 Ama a̱shi a Vuzavaguɗu i ta̱ a ku inda aza a na i a kupana wovon u ni,

aza a na e keɗei a̱pa̱Ꞌa̱ e le

a ucigi u ni u na u tsu sabaꞋa ba.

7 YaꞋan Ka̱shile ka zuwaka tsu una̱singai,

ka̱ta̱ uma a uteku wa aduniyan ra̱ka̱, a pana wovon u ni.

2 Ama a̱ɗa̱ na yi o kutono mu, utsura u wishi u va̱ wi ta̱ a̱ kuta̱wa̱ ɗa̱ tsu kanna. Wi ta̱ o kupotsotongu ɗa̱ tsu kutashi ku kanna. Yi ta̱ a̱ ku uta̱ i ka̱na̱ ma̱za̱nga̱ tsu ndendem n na a shikpai ushiga.

12 <<Gogo na a̱ɗa̱ uma a Isaraila, yiɗa̱i Vuzavaguɗu Ka̱shile ka̱ ɗa̱ ka cigai wa̱ ɗa̱? U ciga ta̱ i pana wovon u ni, i yaꞋan nwalu a uye u ni, ka̱ta̱ i ciga yi, i cikpa yi n a̱ɗu a̱ ɗa̱ ra̱ka̱ n wuma u ɗa̱ ra̱ka̱ feu. 13 Ka̱ta̱ kpamu i tono wila̱ n ili i kutono i Vuzavaguɗu i na mpa mi e kuneke ɗa̱ anana, adama a ugaꞋin u ɗa̱.

4 Vuzavaguɗu Ka̱shile ka̱ ɗa̱ kaꞋa ya kutono, a̱yi ɗa koci ya kucikpa. Tonoi wila̱ u ni, ka̱ta̱ i pana kadanshi ka̱ ni, a̱yi ɗa koci ya kukuɗa̱nku, ka̱ta̱ i gbaga yi.

21 Adama a na aza a kula̱na̱ limata a pana ta̱ wovon u Ka̱shile, ɗa Ka̱shile ke nekei le limata i ka̱ci ke le.