Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Kumdumba Mkulu Nguluwi ndo msisi wa luhala,
ila wapoka wangubeza luhala na malanguso.
Kumdumba Mkulu Nguluwi ndo msisi wa luhala,
na kumzela yula Yelile ndo kuwa na nyhala.
Kumdumba Mkulu Nguluwi ndo malanguso ga luhala,
kung’hali kutogoligwa yanguganigwa kuwa ulingunyenyetela.
Fola kuwa na chido na kumdumba Mkulu Nguluwi,
kusinda kuwa na ng’hano nyinji hamwe na magazo.
Kumdumba Mkulu Nguluwi ndo kuzudila wihe.
Ndanguuzudila ujuvi na kidaya na kikala kwihile,
ndanguzizudila ndonga zihile.
Kunyenyetela na kumdumba Mkulu Nguluwi,
kwangigalaga lufufu na lutogo na ukomu.
Uleche kiwona gwegwe baho kota kuna luhala,
umdumbe Mkulu Nguluwi na kiwika kutali na wihe.
Avyo vyowa mikwandi mlukuli lwa hegwe,
na chihewezo mli mizeje ja hegwe.
Ulonzi ulingunojeza wangudetaga na kunoga kwa kumeho kwangukolaga himahima,
ila mdala yalingumdumba Mkulu Nguluwi kotogoligwa.
Ulonzi weng’ha naulonjigwa, ila naipona mbuli imwe.
Mdumbe Nguluwi, ubatilile malajizo ga heye,
kwa vila aji ndo mijito joyapegwe munhu.
Kumdumba Mkulu Nguluwi ndo msisi wa luhala,
weng’ha walingibatilila malajizo ga heye wangutambichizwa luhala.
Lutogo lwa heye lwangikala mazuwa gose.
Kusangalala kwa munhu yanojile
Mumtogole Mkulu Nguluwi.
Katambichizwa munhu yalingumdumba Mkulu Nguluwi,
yalingusangalala ng’hatu kibatilila malajizo ga heye.
Chonolo kwa munhu yalingumdumba Nguluwi
Nawatambichizwa weng’ha walingumdumba Mkulu Nguluwi,
walingikala kwa kuwinza nzila za heye.
Mkulu Nguluwi kanguwalola wala walingumdumba,
wanhu wawele wangitumbila igano lya heye lya kwimilila.
Nguluwi yalutilile kututambichiza.
Wanhu weng’ha muisi wamdumbe.
Ila kwa chiwalo cha hemwe mlingundumba, isanya lya hachi lyokuya kwa hemwe, liwele na ludali lwa kulohola kuli ivuche lyake. Namwe molawa mgati kuno mnyonzokanyonzoka kota ilogota lilechelwe kulawa kuli ibani.
Choyalingugana Nguluwi
"Lelo hemwe Waisilaeli, Mkulu Nguluwi, Nguluwi wa hemwe, kangugana choni kwa hemwe, ila ndo kumdumba Mkulu Nguluwi, Nguluwi wa hemwe na kuziwinza nzila za heye zeng’ha na kumgana na kumkolela mijito Mkulu Nguluwi, Nguluwi wa hemwe, kwa nhumbula yeng’ha na kwa muhe wa hemwe weng’ha na kibatilila mizilo na malajizo ga Mkulu Nguluwi gondilinguwawichila lehano, kwa mbuli za mwemwe baho?
Mumuwinze na kumdumba Mkulu Nguluwi, Nguluwi wa hemwe na kibata malajizo ga heye na kumhulichiza, mumkolele mijito na kilumba na heye.
Kwa vila wahunga awo nawali womdumba Nguluwi, Nguluwi nakawatambichiza leka waponde wana wawo.
Lelo wang’holozangu, kwa vila natupegwa malagano aga geng’ha, lelo, tiyelize nhumbula za hetwe kwa chila chinhu chilingudita nhumbula na lukuli vikokomoche, tuwe welile ng’hatu na kikala kwa kumdumba Nguluwi.
Mumhe chila munhu hachi ya heye, munhu wa ushulu, yapegwe ushulu na munhu wa kodi yapegwe kodi na yalingudumbigwa nayadumbigwe na yalingugana katogo na yatogoligwe.
"Yohambe yamlajile goloko wa heye igano lya kwimilila,
kangulema kumdumba Nguluwi Yawele na Ludali.