Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Ɠɔoɠɔ GALAGI ɠaazuluabai ɠa é ga faaɠwɛgi lɔɔzeizuʋɛ,
faaɠaaɠalala nui ɠa ɗa ɠimalai ʋɛlɛʋɛlɛ ta kalagi.
Ɠɔoɠɔ GALAGI ɠaazuluabai ɠa é ga ɠimalai lɔɔzeizuʋɛ,
è GALA Ɲadegai ɠwɛɛ, é ga kidafaawui.
Ɠɔoɠɔ GALAGI ɠaazuluabai ɠa ɗa nu ɠala ga ɠimalai,
aisa nu ʋa lɛbiya zɔlɔɔ, kɛni è ɓɔɠɔmaayei pɛ.
Fizɔgɛ nu ɗa ani go nɔ zɔlɔɔ, è ɠɛ ga Ɠɔoɠɔ GALAGI ɠaazuluaba nu,
è ʋa li naavolo wola zɔlɔɔsu, nii ziiɓɔlɔi polu.
Ɠɔoɠɔ GALAGI ɠaazuluabai ɠa é ga, è zili ga faa ɲɔi.
Niiti gè ti wɔinzeɠezu, ta ga,
gaazulɛɛi, wasogi, faa ɲɔu ʋelei, ta zɛɛ wo daaʋɛ.
Ɓɔɠɔmaayeii ta Ɠɔoɠɔ GALAGI ɠaazuluabai ma ɠulanumai ɠa ga,
kulagaanɛɛzui, ta unfemai, ta sii zuɠoozai.
Mina ɓɔɠɔ zeɠe ga ɠima nu,
lua Ɠɔoɠɔ GALAGI ʋa, è maaɠooza faa ɲɔi ʋa.
Toɠa ɠɛ ga kɛdɛyai è-ɓusɛi ʋɛ,
ta è-ɠaeiti niinɛ vai.
Zaalai ɠa ga yaava ani, padai ɠa ɗa leʋe,
kɛlɛ anzanui é luazu Ɠɔoɠɔ GALAGI ʋa, naa ɠa maanɛai ga é maamusɛi zɔlɔɔ.
Ade woilo niima ɓɔɛzuɠulai kpein gaaɓelasuʋɛ ma:
Lua GALA ba, è ná-deveiti so,
naa ɠa nuɓusɛi pɛ maanɛai ga ti kɛ.
Ɠɔoɠɔ GALAGI ɠaazuluabai ɠa é ga ɠimalai lɔɔzeizuʋɛ,
niiti kpein ti ziɛzu ga naa, naati ka ɠi pagɔi ti ma.
Ná-maamusɛi ɠa yɛsu ná ɠɔ.
Wooɠɛɠila nuiti ta-undaanɛɛi
À Ɠɔoɠɔ GALAGI maamusɛ!
Undaanɛ nu ɠa ga naama nui, nii é luazu Ɠɔoɠɔ GALAGI ʋa,
ta nɛɛbɛ vai ɠa é ga, é naa ná-deveiti so, é ziɛ la.
Undaanɛɛi wooɠɛɠila nui sɔlɔɔsu
Tɛɛ wo guyei.
Undaanɛ nu ɠa ga naa, nu-o-nu nii é luazu Ɠɔoɠɔ GALAGI ʋa,
é ɗa ziɛ ga naa yiima ʋeleiti!
Wɛlɛ, Ɠɔoɠɔ GALAGI ɠaazuɠɛzɛi ɠa naati ba, niiti ti luazu tɔun ba,
ta niiti ti ɠitogai ná-wooɠɛɠiladai ʋa.
Zooi ná-kulanumaiti feeni,
GALAGI, ada-ƓALAGI ɠa tuya loozu ade ʋɛ.
Tɔgi é lo nɛɛbɛi ta koloi ma vai ʋa
Niizu Izilayɛle nuɓusɛiti, leeni ɠa Ɠɔoɠɔ GALAGI wa-ƓALAGI pɔ ga wo kɛ bɛ? Toɠa nɔ ga wo lua ba, wo ziɛ ga ná-peleiti kpein, wo nɛɛ ʋɛ, wo dɛbi ga wo-yii pɛ, ta wo-yɛnvui pɛ, wo Ɠɔoɠɔ GALAGI ná-deveiti so, ta ná-tɔgiti, gè ti veezu wo ya za, naa ɠa a kɛ wo undaanɛ.
à mina woilo GALA goo wo nui naa wooi ma, ɓaa kulakɛlɛma ɠaa nui naa wooi ma, mazɔlɔɔ Ɠɔoɠɔ GALAGI wa-ƓALAGI seɠeʋɛ ga é wo ʋoluɠula la, nii a kɛ é kwɛɛ ni nɛɛʋɛ wo ʋɛ, gaamai zu, ga wo-yii pɛ, ta wo-yɛnvui pɛ.
Tɛi maavie bo anzanuiti ti luani GALA ba, GALA ge ti-mavofodai ɠaawɔɔlɔ.
Nɛ̀ɛɲɔɠɔiti, niima minazeɠegiti pɛ ta ná ade ma vaa ma. Naa ɠa é ba, ade ɓɔɠɔ ɲade kpusɛi ɠɔzɔ vaiti pɛ ma, ta zɛnvui ɠɔzɔ vaiti. Ade ɠaaɓa, de ɲade ga pagɔ mɛtu, de da-eteai ziɛ unfemai zu, de feezu GALA bɛ.
À naa ve ɛsɛ zea, nii maanɛai wo fe zea. À mului ve naa ya, nii maanɛai wo mului ve zea. À aniiti ma mului ve naa ya, nii maanɛai wo aniiti ma mului ve zea. À unfemai ve naa ʋɛ, nii maanɛai unfemai ve bɛ. À naa wɔɔlɔ, nii maanɛai wo bɔɔlɔ.
«Nui nii é taɓai zu, maanɛɛʋɛ bɔɔlaiti ti ta-wooɠɛɠiladai tago ɠula kɛlɛma bɛ,
anɛɛ ni a la looɠo lɛbiya veezu Zɛbɛi-Pɛ-Maliɠii GALA bɛ.