Salmos 67

Nuɓusɛiti pɛ ti GALA maamusɛ

1 Guye loo ɠundiɠii nɔnɔi ʋe. É loozu ga kɔnigiti. Guyei.

2 GALA ge undaanɛɛi ɠɛ ade ʋɛ, é tuya loo ade ʋɛ,

é yeezei ade wu ga pagɔ.

Lo!

3 Naa ɠa a kɛ, ti ɗa-ʋelei ɠwɛɛ eteai zu,

ta ɗa-ɠizo fai ziiti kpein saama.

4 Nuɓusɛiti ti è maamusɛ, ee, GALA!

Nuɓusɛiti kpein ti è maamusɛ.

5 Ziiti ti ta-ɠoozunɛ wuyeiti too è ʋɛ,

mazɔlɔɔ ɗa nuɓusɛiti tukpɔɠaaleʋezu ga sɔledai,

ɗa losu ziiti untuɠɔ eteai zu.

Lo!

6 Nuɓusɛiti ti è maamusɛ, ee, GALA!

Nuɓusɛiti kpein ti è maamusɛ.

7 Zooi ná-kulanumaiti feeni,

GALAGI, ada-ƓALAGI ɠa tuya loozu ade ʋɛ.

8 GALA ge tuya loo ade ʋɛ,

zou ɓela ga ɲɛgɛlɛin ti lua é ʋa.