Ɠɔoɠɔ GALAGI ná-nuɓusɛiti ti maamusɛ
1 Faanɛɛ wuuɠwɛɛ guyei.
À wooɠula ga koozunɛɛi Ɠɔoɠɔ GALAGI ʋɛ, eteai kpein!
2 À Ɠɔoɠɔ GALAGI lɛbi ga koozunɛɛi,
à ʋa pɔ bɛ ga koozunɛ wuyeiti toa!
3 À suɠwɛɛ ga Ɠɔoɠɔ GALAGI ɠila ka é ga GALAGI!
Tɔ ɠa é de ɓɛtɛa, da ga nɔnɔiti,
da ga ná-nuɓusɛiti, ná-baala kpulugi é kɔnɔkulazu.
4 À lɛ ná-siɠidaʋɛti ga faanɛɛ wuuɠwɛɛgaiti,
à lɛ ná-koizuʋɛti ga maamusɛi!
À dɛbi, wo mamagi ve bɛ!
5 Mazɔlɔɔ Ɠɔoɠɔ GALAGI ʋagɛ, ná-nuɓɔɠɔlai ɠa ná eyɛsu ɠɔ,
ta ná-wooɠɛɠiladai ɓela ge la ba, yeeɠɛɠalaiti pɛ su.