Nà ga baalagi, Ɠɔoɠɔ GALAGI ɠa é ga màkɛ nui
1 Davide ná-guyei.
Nà ga baalagi, Ɠɔoɠɔ GALAGI ɠa é ga màkɛ nui,
gè la ʋalaga ani nɔpɛ ma.
2 Toɠa nà-dooɠo bosuʋɛ ɠɛɛzu ga tufa lɛnugi zu,
toɠa losu tùɠɔ, é li ga ze ziɛ lɛilɛigiti pɔ bɛ.
3 Toɠa nìinɛzu,
é lo tùɠɔ, é li ga ze telebo peleiti su,
daaseigi wɔɔlɔ vai zu.
4 Siɛgi zu gè ziɛzu la faaɓaagi ma ʋɛtugi zu,
gè la lua faa ɲɔu nɔpɛ ba, mazɔlɔɔ ɗa bà,
ɗa-lukpɔi, ta ɗa-ɓakɔi, naati ka ti zìilɛizu.
5 Ɗa fɛti laamii ɠɛʋele ɓɛtɛzu bɛ̀ sìli nuiti gaazu,
è gulɔi ziɛ nɔ̀ungi ma23:5 è gulɔi ziɛ nɔ̀ungi ma: Ti-ɠɛɛ vaa wɔlɔi ta ɠɛni ga naa, nii a kɛ ti unfemai ve nui ʋɛ, niiti toligai fɛti ɠula vai ma. Wɛlɛ ʋɛ: Luk 7:46.,
nà-ziawɔi laavegɛ, é ɗa ʋu ya.
6 Ungo, undaanɛɛi ta nɛɛbɛi ta yɛ bà, nà-eteai pɛ su,
nà ɠale ma, gè yɛ Ɠɔoɠɔ GALAGI ná-pɛlɛi wu, eyɛsu sìi ma voloi pɛ.