Guyeiti 110

Masagi zalaɠa ɠula nui

1 Davide ná-guyei.

Ɠɔoɠɔ GALAGI laawooi é boni màliɠii ma:

«Zei zèezazuʋɛ,

eyɛsu gè è zili nuiti kɛ ga ɗa-ɠɔɠɔloma anii.»

2 Ɠɔoɠɔ GALAGI ɠa ɗa-masadai ma zɛbɛi zuwɔɔlɔzu,

é zo Siyɔn GALA sei ʋɛlɛi ma.

Ɗa masadai ɠɛ è zili nuiti saama.

3 Voloi ɗa ɠɛ kɔɔi ɠɔɔzu la,

ɗa-nuɓusɛiti daa ɠa ve ga ziilɔɔi,

ti ɗa ʋa è ʋɔ ga kpizɛi, maaɠili ɲadegai zu,

sobuzobui, ɗa-ɠɔɔɠɔ zunu loungoiti ta suvilɛ ga ʋaa è ʋɔ bɛ, eɠɛʋelei nɔɗagi a ɗa ʋuu la.

4 Ɠɔoɠɔ GALAGI ɠonani, tama é la zeɠea woo ʋolu, é ɠɛni ma:

«Ɗa ga zalaɠa ɠula nui eyɛsu ɠɔ, eɠɛʋelei Mɛlekizedɛke ɠɛni la.»

5 È-Maliɠii ɠa è ɠobaʋɛ,

ná-ziiɠaawana voloi, toɠa masagiti dɛɛvɛ.

6 Toɠa ná-tukpɔi laalɛ zii ɠiligiti bu,

nu ʋoomai ma ɓulugiti gaa ɠa lɛ ba,

toɠa kundiɠiiti dɛɛvɛ eteai zu naa kpein.

7 Toɠa*110:7 Toɠa: Masagi ɠa ti vaazu ma. ɓɔɔle pelei zu kɔtuɗɛi ɠa,

naa ʋoluma toɠa nɔungi wuzeɠe.