Guyeiti 123

Zaalai maaɓɔun fai

1 Tɛɛ wo guyei.

Nà ɠaazulosu è ʋa,

ɗɛi è zeini geeɠɔlɔgi zu.

2 Eɠɛʋelei botiɠɛ nuiti ti ɠaazulosu da ti-maliɠiiti zeeiti ba,

ta botiɠɛ anzanui, é ɠaazulosu da maliɠi anzanui yeei ʋa,

ʋele ɠana gi ɠaazulosu da Ɠɔoɠɔ GALAGI, gá-ƓALAGI ʋa,

eyɛsu é gi maawɔinɠa.

3 Gi maawɔinɠa, ee, Ɠɔoɠɔ GALAGI, gi maawɔinɠa!

Mazɔlɔɔ ɓaaɠulamai kula ɠɛa ga giye.

4 Kpɛtɛ nuiti ta-ɲɛɛɠulasui kula ɠɛa ga giye,

ta waso nuiti ta-wɔinzeɠemai.