7 יראת יהוה ראשית דעת חכמה ומוסר אוילים בזו׃

10 תחלת חכמה יראת יהוה ודעת קדשים בינה׃

33 יראת יהוה מוסר חכמה ולפני כבוד ענוה׃

16 טוב מעט ביראת יהוה מאוצר רב ומהומה בו׃

13 יראת יהוה שנאת רע גאה וגאון ודרך רע ופי תהפכות שנאתי׃

4 עקב ענוה יראת יהוה עשר וכבוד וחיים׃

7 אל תהי חכם בעיניך ירא את יהוה וסור מרע׃8 רפאות תהי לשרך ושקוי לעצמותיך׃

30 שקר החן והבל היפי אשה יראת יהוה היא תתהלל׃

13 סוף דבר הכל נשמע את האלהים ירא ואת מצותיו שמור כי זה כל האדם׃

10 ראשית חכמה יראת יהוה שכל טוב לכל עשיהם תהלתו עמדת לעד׃

1 הללו יה אשרי איש ירא את יהוה במצותיו חפץ מאד׃

1 שיר המעלות אשרי כל ירא יהוה ההלך בדרכיו׃

18 הנה עין יהוה אל יראיו למיחלים לחסדו׃

7 יברכנו אלהים וייראו אתו כל אפסי ארץ׃

2 וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃

12 ועתה ישראל מה יהוה אלהיך שאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשך׃13 לשמר את מצות יהוה ואת חקתיו אשר אנכי מצוך היום לטוב לך׃

4 אחרי יהוה אלהיכם תלכו ואתו תיראו ואת מצותיו תשמרו ובקלו תשמעו ואתו תעבדו ובו תדבקון׃

21 ויהי כי יראו המילדת את האלהים ויעש להם בתים׃

1 לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים׃

7 לכן תנו לכל איש כחובתכם המס לאשר לו המס המכס לאשר לו המכס והמורא לאשר לו המורא והכבוד לאשר לו הכבוד׃

14 למס מרעהו חסד ויראת שדי יעזוב׃