Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Anumzamofonku kore hunteno agorga’a manizana, antahi’zama eri’zamofo agafa’a me’ne. Hu’neanagi neginagi vahe’mo’za knare antahi’zane avumro kegura zamagena humigahaze.
Ramofoma koro’ma hunteno agorga’ama mani’zamo’a, knare antahi’zamofo agafa me’ne. Ruotage’ma Hu’nemofo kagra antahi ama’ma hananana, ama' antahi’za erigahane.
Ra Anumzamofonku kore’ma hunteno agoragama mani avu’avazamo, vahe’mofona knare antahintahia rempi hunemie. Hagi kagrama anteraminka manisunka, rankagia erigahane.
Osi’a fenoma anteneta Ra Anumzamofonku’ma kore’ma hunte’nuna zamo’a, rama’a fenoza ante’neta hazenkema erizana agaterene.
Ra Anumzamofonku’ma koro’ma hunte’zana kefo avu’ava’ma huzankura kagotegahie. Agra’a agima erisga nehuno, avufga ra nehuno, havi avu’ava nehuno, akrahe akrehe ageru’ma aru’zana navesra hunentoe.
Agra’a avufga anteramino nemanino, Ra Anumzamofonku’ma koro hunteno, agorga’ama mani’zamo’a, rama’a fenoza nentesankeno kagia husga nehanagenka, za’za kna manigahane.
Kagraka’a antahizankura knare hu’ne hunka eri antesga osunka, Anumzamofonku koro huntenka agorga’a nemaninka, havi avu’ava zana kamefi humio. E’i ana’ma hanankeno’a, kavufa kazeri neganamreno, zaferina ka’a kazeri hanavetigahie.
Mago a’mo’ma fru huno knare avu’ava’ma hania zamo’a krevatga hanigeno, agi agonama keganunuma hananazamo’a, fanane hugahie. Hianagi Ra Anumzamofoma koro hunteno agoragama nemanisia a’mofona, husga huntegahaze.
Hago ana maka nanekea huvagaroe. Hagi amanage hu’na vagare nanekea hugahue, Anumzamofonku korora huntenka agoraga’a nemaninka kasege’a avaririo, na’ankure e’i ana maka vahe’mo’ma amage antesia ke me’ne.
Ra Anumzamofoma koro’ma hunte’zana, knare antahi’zamofo agafa’a me’ne. Iza’zo agri avesi’zama amage’ma antesnaza vahe’mo’za antahintahi zampina ani hugahaze. Ana hu’negu maka zupa Anumzamo’a ra agia eri vava hanie.
Knare veamo’za muse hugahaze hu’nea naneke
Ra Anumzamofo agi’a ahentesga hiho! Iza’o Ra Anumzamofonku’ma koro hunenteno, muse huno’ma agri kasegema amage’ma nentesnia vahe’mo’a knare asomu erigahie.
Ra Anumzamofo ra mono nontega marenerino hu' zagamere
Ra Anumzamofoma koro’ma hunente’za agri avu’ava’ma amage’ma nentaza vahe’mo’za muse hugahaze.
Hianagi Ra Anumzamo’a Agriku’ma koro’ma hu’za agoraga’ama nemani’za, vagaore avesizama’mofonte’ma amuha’ma nehaza vahete avua anteno nege.
Anumzamo’a asomu hurantesie! E’ina’ma hanigeno’a ana maka vahe’ma ama mopafima mani’naza vahe’mo’za Anumzamofona korora huntesaze.
Hianagi Nagri nagigu’ma koro’ma nehuta, nagoraga’ama nemaniza vahe’motarera, hanavenimo’a tamagrite’ma efore’ma haniana, fatgo avu’avaza zamo’a zagemo’ma hiaza huno remsa hunermanteno, tamazeri knamarena bulimakao anentamo’ma keginafinti’ma atiramino ne-eno muse huno haru huno takaure takaure huno vano hiankna hugahaze.
Ra Anumzamofonku koro’ma hu’zamofo naneke
Hagi menina Israeli vahera antahiho, Ra Anumzana tamagri Anumzamo’a amana hiho huno nehie. Ra Anumzana tamagri Anumzamofona koro hunteta agorga’a nemanita, Agri avu’ava nevaririta, avesinenteta, maka tamagu tamenteti huta monora hunteho. Hagi tamagra knare’ma huta mani’naku’ma hanuta, Ra Anumzamofo kasegene trakenema menima nagrama neramasmuana antahita avaririho.
Ra Anumzana tamagri Anumzamofona amage’nentetma, koro huntetma agorga’a nemanitma, kasege’a nevariritma, ke’a nentahitma monora hunentetma, Agrira azeri kona hiho.
Ana a’tremokea Anumzamofonku koro nehaku huno Anumzamo’a asomu huznantegeke znagranena agafa huke mofavre kasente’na’e.
Na’ankure tagrira Anumzamo’a huvempa hurante’negu, navesima neramantoa ronenimota, tagra’a tazeri avusese hanune. Ama tavufgafine avamupima miko kefozamo’ma tazeri haviza hania zampintira, mani ruotage nehuta Anumzamofo koro huntesune.
Hagi ana miko vahe’mokizmi zama eri’nesaza zana eteta zamiho, takisi zagoma zamiho hunesizana neminka, fenoma mizasenante takesi zago miza hiho hanageta miza nehuta, kore huzmanteho hu’nesaza vahera, kore hunezmanteta, ra zamagi zamiho hu’nesia vahera, ra zamagi zamiho.
Hagi Hihamu’ane Anumzamofoma korora hunontesnia vahe’mo’agi, rone’amo’ma knafima mani’nenigeno’a knare avu’ava huntegahie.