Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Ukwesaba uThixo kuyikuqala kwenhlakanipho,
kodwa iziwula ziyakweyisa ukuqedisisa lokuzithiba.
Ukumesaba uThixo kuyikuqala kwenhlakanipho,
njalo ulwazi ngaLowo oNgcwele luyikuqedisisa.
Ukumesaba uThixo kufundisa umuntu ukuhlakanipha,
njalo ukuzithoba kwandulela udumo.
Kungcono ukuba lokulutshwana umesaba uThixo
kulokuba lenotho enengi ulenhlupho.
Ukwesaba uThixo yikuzonda ububi;
ngiyakuzonda ukuzazisa lobuqholo,
ukuziphatha kubi lenkulumo ebolileyo.
Ukuzithoba lokwesaba uThixo
kuletha inotho lodumo lokuphila.
Ungazenzi ohlakaniphileyo ngokubona kwakho;
yesaba uThixo uxwaye okubi.
Lokho kuzawuphilisa umzimba wakho
kuwaqinise lamathambo akho.
Ukubukeka kuyakhohlisa, lobuhle buyaphela;
kodwa umfazi owesaba uThixo kadunyiswe.
Manje-ke konke sekuzwakele;
nansi isiphetho sendaba:
Mesabe uNkulunkulu ugcine imiyalo yakhe,
ngoba lo yiwo wonke umlandu womuntu.
Ukumesaba uThixo kuyikuqala kwenhlakanipho
bonke abalandela iziqondiso zakhe balokuzwisisa okuhle.
Kungokwakhe ukudunyiswa kwaphakade.
Dumisani uThixo.
Ubusisiwe umuntu owesaba uThixo,
othokoza kakhulu ngemilayo yakhe.
Babusisiwe bonke abamesabayo uThixo,
abahamba ngezindlela zakhe.
Kodwa amehlo kaThixo akulabo abamesabayo,
kulabo othemba labo lisethandweni lwakhe olungapheliyo,
UNkulunkulu uzasibusisa,
kuthi yonke imikhawulo yomhlaba izamesaba.
Kodwa lina elilesabayo ibizo lami, ilanga lokulunga lizaphuma lilokusiliswa emaphikweni alo. Njalo lizaphuma liqolotshe njengamathole evulelwe esibayeni sawo.
"Khathesi-ke, Oh Israyeli, kuyini uThixo uNkulunkulu wakho angakucela kuwe ngaphandle kokuba umesabe uThixo wakho, ukuhamba ezindleleni zakhe, ukumthanda, ukumsebenzela uThixo uNkulunkulu wakho ngenhliziyo yakho yonke langomoya wakho wonke, lokugcina imilayo kaThixo kanye lezimiso lezi engilinika zona lamhlanje ukuze kulilungele?
NguThixo uNkulunkulu wenu okumele limlandele, kanti nguye uqobo okumele limesabe. Gcinani imilayo yakhe njalo limlalele; mkhonzeni libambelele liqine kuye.
Njalo njengoba ababelethisi bamesaba uNkulunkulu, wabapha ezabo izimuli.
Njengoba silezithembiso lezi, bazalwane abathandekayo, kasizihlambululeni ezintweni zonke ezingcolisa umzimba lomoya, siphelelise ubungcwele ngokwesaba uNkulunkulu.
Phanini abantu bonke okungokwabo: Nxa ungathelanga, thela imithelo, nxa kuyikuqoqwa kwemali, iqoqeni. Nxa kuyikwesaba, yesabani. Nxa kuyikuhlonipha, hloniphani; nxa kuyikudumisa, dumisani.
Iloba ngubani ogodla umusa kumkhula wakhe
udela ukwesaba uSomandla.