Admiração
O temor do Senhor é o princípio da sabedoria. A admiração reverente por Deus é a postura que produz conhecimento, obediência e bênção na vida do crente.
Bawipaw rawrinaw tuh
hawnaw athonaw nynh thua;
mingaee hae nynh tuh hawnaw te
thuiheinaw kha pawlangria khyh hae.
Bawipaw rawrinaw tuh
hawnaw athotakawnaw nynh thua,
Athyaapaw Pachia kha nynaw tuh
akhupaw nynaw nynh thua.
Bawipaw rawrinaw tuh
hawnaw te thuiheikupaw nynh thua,
sawtuanaw a um mawze
zakawsangsakunaw a umty.
Bawipaw rawrite
beihtaraw hoi tuh
sisua pataepi hoite thinphangte
um laeze ahoyhua.
Bawipaw rawrinaw tuh
hoyleinaw kha huapaw nynh thua.
Lysakunaw, tansakunaw,
ozia hoyleinaw te
lingpaw bya kha ka hua.
Zakawsangsahkunaw te
Bawipaw rawrinaw hanlan
muepaw lasung tuh
hoirumnaw, sawtuanaw te
hiinnaw nynh thua.
Amaw mitmuihnaw kya
ahawsakuhpaw la thua nan;
Bawipaw kha rih lah,
hoyleinaw kha maetawkuh.
Tuh-e tuh na ngesaw hanlan
dannaw athua cih zah,
na pyn hanlan isei athua cih.
Ccungccaw lunglawnaw nynh
ccungccaw kha a lingthya,
puithyanaw tuh accakaepaw nynh thua,
thuasalama Bawipaw raw a rihpaw
nopi tuh thehoysah athua cih.
E bya hae balyn athang te, ho lanpaw ccangkheit a um ung. Pachia kha rih lah, a kawbya hae kha zuitua; pawccecize Pachia nynh ccungccaw a raenuathepaw tuh hynh-e hanlan nynh thua.
Bawipaw rawrinaw tuh
hawnaw athotakawnaw nynh thua;
tuhcite kawbya a zuipaw balyn tuh
ahoypaw nythyanaw a hoi hae.
Amaw kha thehoysahnaw tuh
zungzae atyn.
Miding hae Hythuanaw
Bawipaw kha thehoysah oh!
Bawipaw raw a rih hae paw te
a kawbya kya myaryamaw
mih lungrythua hae paw tuh
lungtua hae paw nynh thua.
Lungtuapaw Innbyn
Bawipaw rawrih zah
a laanpi a zuipaw miakaw tuh
lungtuapaw nynh thua.
Bawipaw raw a rih hae paw te
atynpaw a sungsahnaw
a ngaehoikuh hae paw kha
Pachia nynh aening kha
hythuanaw po oun pya vae sah.
laephi adianaw cia um hae paw
ccungccaw hae balyn nynh amaw kha
sawtua hae sah.
Thuasalama ka min saw na tua oh paw nanning hanlan tuh a sake kya dannaw a umpaw dingnaw khuanin yn thua cih. Sahiinkhia kyate vaetuataw hae thohkute a pou hae hawte lungtuate na pou cih oh.
Pachia nynh A Rypaw
Pou Israel, tukeiccuze Bawipaw na Pachia nynh atu pawmou ae peki? Bawipaw na Pachia rawri lanpaw, a laanpi balyn kya ccia lanpaw, amaw sungsah lanpaw, Bawipaw na Pachia kha na thinlung balyn te, na tuanaw balyn te ryalawpya lanpaw, te namaw hoynaw te thanenaw hanlan atunin kaw kae pyapaw Bawipaw na Pachia kawbya hae te a phungbya hae kha zui lanpaw kyalya kha nynh thua.
Bawipaw nae Pachia kha na zui cih oh, amaw kyalya kha na rih cih oh, a kawbya hae kha na zui cih oh, a roi kha na ngae cih oh, amaw kha na beik cih oh zah amaw kha tynkaring lan na kyngkuh cih oh.
Ccaaw puisahtu hae nynh Pachia kha a ri hae keiccuze Pachia nynh minmin kha ccaawno a pya hae.
Sungsah hae, hynh-e byakinpyakupaw hae hynh ah hoi oh keiccuze pynsaw te muisaw nungsikunaw miakaw kyate ahmaw te ahmaw hynh ccikankuh oh sih lah, Pachia rawri te thyaanaw kha ccingsah oh sih.
Tukeiccuze ccungccaw miakaw kha mue lan a ccan hae thyhte la pya oh—ngunto pya lan a ccanpaw kha ngunto pya oh; ngunto pya lan a ccanpaw kha ngunto pya oh, rawri lan a ccanpaw kha a rawrih oh; sawtua lan a ccanpaw kha sawtua oh.
"Ruiban tungvaw
ngaethyaumsahnaw
a hoi leipaw tuh
Athunghuapaw tungvaw
rawrinaw a hoi leipaw nynh thua.