Adoração
A adoração é a resposta do coração humano à majestade de Deus. Deus é Espírito e importa que os que o adoram o adorem em espírito e em verdade — com todo o ser.
Adorar em espírito
Deus é Espírito e importa que os adoradores o adorem em espírito e em verdade. A adoração verdadeira brota do coração.
Nzambi kele Mpeve, mpe ya me fwana ti bayina ke na kusambila yandi, sambila yandi na kimpeve mpe na butsyelika.»
Kasi ngunga me kuma pene-pene, mpe yawu me kuma yimeni, ntangu misambidi ya tsyelika ke sambila Nzambi na kimpeve mpe na butsyelika. Ni misambidi ya mutindu yina Tata ke sosaka. Nzambi kele Mpeve, mpe ya me fwana ti bayina ke na kusambila yandi, sambila yandi na kimpeve mpe na butsyelika.»
Yesu zabisaka yandi: «Kwikila munu. Bilumbu ke kwiza ntangu bantu ke sambila dyaka ve Tata ata na mongo yayi, to na Yelusalemi. Beno bantu ya Samaliya, beno zaba ve nani beno ke sambilaka. Kasi beto ba-Zwife, beto zaba nani beto ke sambilaka, samu ti mpulusu ke katukaka na ba-Zwife. Kasi ngunga me kuma pene-pene, mpe yawu me kuma yimeni, ntangu misambidi ya tsyelika ke sambila Nzambi na kimpeve mpe na butsyelika. Ni misambidi ya mutindu yina Tata ke sosaka.
Na yina, yandi vutulaka: «Mfumu, mu ke na kukwikila.» Mpe yandi fukamaka na ntwala ya Yesu.
Na yina, Yesu zabisaka yandi: «Katuka pene-pene ya munu Satana! Ya tsyelika, Dibuku ya Nzambi ke tubaka: Nge fwana kusiika Mfumu Nzambi ya nge, mpe kaka ni yandi nge fwana kubondila.»
Yesu vutulaka: Dibuku ya Nzambi ke tubaka: «Nge fwana kusiika Mfumu Nzambi ya nge, mpe kaka ni yandi nge fwana kubondila.»
Luzingu ya malu-malu na Klisto
Bampangi! Mutindu Nzambi ke talaka bantu kyadi, mu ke na kukindisa beno na kupesa yandi banzutu ya beno mutindu munkayulu ya moyo, ya longo, mpe yina ke yangidikaka yandi. Ni mutindu yina me fwanana na kusadila ya tsyelika Nzambi.
Luzingu ya malu-malu na Klisto
Bampangi! Mutindu Nzambi ke talaka bantu kyadi, mu ke na kukindisa beno na kupesa yandi banzutu ya beno mutindu munkayulu ya moyo, ya longo, mpe yina ke yangidikaka yandi. Ni mutindu yina me fwanana na kusadila ya tsyelika Nzambi. Beno landa ve bifu ya bantu ya yinza yayi. Kasi beno bika ti Nzambi kukitula beno, mpe kupesa beno mayela ya malu-malu. Na yina, beno ke lenda na kubakula mambu yina Nzambi ke zolaka: mambu ya mbote, ya kitoko, mpe ya kudedama.
Ya tsyelika, bima nyonso katukaka na sika ya Nzambi. Yawu salamaka na yandi mpe samu na yandi. Bika ti nkembo kuvwanda na yandi bantangu nyonso! Ameni.
samu ti Dibuku ya Nzambi ke tubaka:
«Munu, Mfumu ya moyo, mu ke na kutuba:
Bantu nyonso ke fukama na ntwala ya munu,
mpe bawu nyonso ke pesa nkembo na Nzambi.»
Louvor e reverência
Vinde, adoremos e prostremo-nos. Louvai ao Senhor! Todo ser que respira louve o nome glorioso do Senhor.
Beno kwiza, beto finama,
beto yinama, beto fukama na ntadisi ya Yave. Ni yandi yidikaka beto.
Beno kwiza, beto finama,
beto yinama, beto fukama na ntadisi ya Yave. Ni yandi yidikaka beto.
Beno kembila Yave
Aleluya!
Beno kembila Yave na kati ya Yinzo ya yandi ya longo!
Beno kembila yandi kuna na dizulu nyonso ya kuyalumuka,
na kisika yina yandi ke lakisaka lulendo ya yandi!
Beno kembila yandi samu na mambu ya yandi ya ngitukulu yina yandi ke salaka!
Beno kembila yandi na mutindu kele bunene ya yandi ya kulutila!
Beno kembila yandi na muningu ya mpungi!
Beno kembila yandi na bansambi!
Beno kembila yandi na bangoma ya fyoti na mabina!
Beno kembila yandi na bansambi na dituutu!
Beno kembila yandi na bisasala!
Beno kembila yandi na bangongi!
Bika ti nyonso yina ke wumunaka kukembila Yave!
Aleluya!
Bika ti nyonso yina ke wumunaka kukembila Yave!
Aleluya!
Beno kota na myelo ya yandi na kwendaka vutula yandi matondo,
beno kota na lupangu ya Yinzo ya yandi na mikunga ya nzitusu!
Beno kembila yandi,
beno tonda Nkumbu ya yandi!
Beno vutula na Yave nkembo ya Nkumbu ya yandi!
Beno fukama na ntadisi ya Yave, ntangu yandi ke lezimaka na kitoko ya bulongo ya yandi!
Nzitusu na Nzambi yina ke kuulaka
Mukunga yina ba twadisaka na mfumu ya miyimbidi. Mukunga.
Beto sala milolo ya nsayi na Nzambi,
beno bantu nyonso ya ntoto!
Beno yimbila nkembo ya Nkumbu ya yandi,
Beno zitisa yandi na mikunga ya nkembo.
Beno tuba na Nzambi:
«Mambu yina nge ke salaka kele ya nsisi!
Samu na bunene ya ngolo ya nge, bambeni ya nge ke na kubondila nge.»
Bantu nyonso ya ntoto ke fukamaka na mantwala ya nge, bawu ke yimbidilaka nge.
Bantu nyonso ke yimbidilaka Nkumbu ya nge.
Na yinwa ya munu, mu me bokila yandi,
na ludimi ya munu, mu me yimbidila yandi mikunga ya nzitusu.
Yave, bayinsi nyonso yina nge yidikaka ke kwiza fukama na ntadisi ya nge,
mpe yawu ke kembila Nkumbu ya nge.
Ya tsyelika, nge kele Nzambi ya nene,
nge ke salaka mambu ya ngitukulu.
Kaka ni nge kele Nzambi.
Matondo na Yave samu na bumbote ya yandi
Mukunga ya Davidi.
Bika ti mu tonda Yave,
bika ti nyonso yina kele na kati ya munu kutonda Nkumbu ya yandi ya longo!
Nzambi na bantu ya yandi
Beno yimbila samu na Yave, beno bokila Nkumbu ya yandi!
Beno zabisa na sika ya makanda ya bantu, mambu ya ngitukulu yina yandi me sala!
Bumbote ya nge me lutila luzingu
Mukunga ya Davidi ntangu yandi vwandaka na yinsi ya kuyuma ya Yuda
Mu ke yangalalaka na kutalaka nge na kati ya Yinzo ya nge ya longo,
samu na kutala lulendo mpe nkembo ya nge.
Ya tsyelika bumbote ya nge me lutila luzingu,
yinwa ya munu ke na kembila nge.
Declarações de adoração
Tu és digno, Senhor, de receber glória e honra! Ao Senhor pertence a grandeza, o poder, a glória e a majestade.
«Mfumu Nzambi ya beto,
nge kele ya kulunga na kuzwa
nkembo, masiika, mpe lulendo.
Ya tsyelika, ni nge yidikaka bima nyonso,
mpe ni na luzolo ya nge
yawu kele mpe yawu salamaka.»
Yandi vwandaka tuba na ngolo nyonso: «Beno zitisa Nzambi, mpe beno kembisa yandi, samu ti ngunga yina yandi ke fundisa yinza me lunga. Beno sambila Nzambi yina yidikaka zulu na ntoto, mubu mpe mikelo.»
Mfumu! Nani lenda kumanga na kuzitisa nge?
Nani lenda kumanga na kuyimba nkembo ya nge?
Ya tsyelika, kaka ni nge mosi kele ya longo,
mpe bantu nyonso ya yinza ke fukama na ntwala ya nge,
samu ti bisalu ya nge ya kudedama
me talana na pwelele nyonso.»
Munu Yowane, mu kuwaka mpe talaka yawu. Na manima ya kuwa mpe kutala yawu, mu fukamaka na ntwala ya mbazi yina lakisaka munu yawu samu na kusambila yandi. Kasi mbazi zabisaka munu: «Ve! Kusala mutindu yina ve! Mu kele kisadi mutindu nge, mutindu bampangi ya nge mimbikudi mpe bayina nyonso ke sadilaka mambu yina kele na kati ya dibuku yayi. Kaka ni Nzambi nge fwana kusambila.»
Yave, bunene, lulendo, nsemo mpe nkembo kele ya nge. Ya tsyelika, nyonso yina kele na zulu mpe na ntoto, yawu kele ya nge. Bika ti Yave, luyalu kuvwanda ya nge mpe ti nge kuzanguka na zulu ya bima nyonso!
Beno kembila Yave, samu ti yandi kele mbote
samu ti kukwikama ya yandi kele ya seko!
Beno tuba:
«Nzambi, Muvuukisi ya beto, vuukisa beto.
Kutikisa beto, kuula beto na maboko ya bantu ya bayinsi ya nkaka,
samu ti beto kembila Nkumbu ya nge ya longo,
mpe beto kuzwa buyenge na kukembila nge!
Nkembo na Yave, Nzambi ya Isayeli bantangu nyonso!»
Bantu nyonso tubaka: «Ameni! Na manima, bawu zitisaka Yave!»
Beno kembila Yave, samu ti yandi kele mbote
samu ti kukwikama ya yandi kele ya seko!
Beno yimbila samu na yandi, beno yimbila mikunga samu na yandi!
Beno samuna mambu ya yandi nyonso ya ngitukulu!
Ni yawu yina, Nzambi vwandisaka yandi
na zangulaka yandi na kimfumu yina me lutila bimfumu nyonso,
mpe pesaka yandi nkumbu
yina me lutila bankumbu nyonso mfunu.
Na yina, samu na buzitu na Nkumbu ya Yesu,
bambazi mpe bampeve nyonso na zulu,
bantu nyonso na ntoto,
mpe bantu nyonso ya kufwa na yisi ya ntoto ke fukama
mpe ke zabisa ti Yesu-Klisto kele Mfumu
samu na nkembo ya Tata Nzambi.
Sacrifício de louvor
Por meio de Jesus ofereçamos sempre sacrifício de louvor. Cantai ao Senhor, celebrai em salmos — enchei-vos do Espírito.
Na yina, na luve ya Yesu, beto bika ve na kupesa na Nzambi masiika mutindu munkayulu. Ya zola kutuba: Bampova ya yinwa ya beto yina ke na kukembisa Nkumbu ya yandi.
Na yina, beto tonda Nzambi, samu ti yandi me pesa beto Kimfumu yina ba lenda kuningisa ve. Beto sambila yandi na mutindu yina ke yangidikaka yandi, na kivuvu mpe buzitu. Ya tsyelika, Nzambi ya beto kele tiya yina ke nyengisaka.
Beno kindisa bampangi beno na beno na kuyimba Mikunga, banzimbu ya masiika, mpe banzimbu ya kimpeve. Beno yimba mpe kembisa Mfumu na ntima nyonso ya beno.
Bika ti mambu ya Klisto kuvwanda ya kufuluka na bantima ya beno. Beno longisa mpe kebisa bampangi beno na beno na ndwenga nyonso. Beno tonda Nzambi na ntima nyonso na Mikunga, banzimbu, mpe na banzimbu yina Mpeve ya Longo ke pesaka.
Polo mpe Silase na kati ya boloko
Na kati-kati ya mpimpa, Polo na Silase vwandaka sambila mpe vwandaka yimbila samu na kukembisa Nzambi. Bankole ya nkaka vwandaka kuwa bawu.
Polo ke na kusiika Nzambi
Beto siika Nzambi, Tata ya Mfumu ya beto Yesu-Klisto. Yandi kele Tata yina ke talaka bantu kyadi, mpe Nzambi yina ke katulaka kyadi ya bantu nyonso. Yandi ke katulaka beto kyadi na bampasi nyonso yina ke kuminaka beto, samu ti beto mpe lenda na kukatula kyadi na bayina nyonso ke talaka bampasi. Beto ke katula bawu kyadi mutindu Nzambi katulaka beto yawu.
Mambu yina beto talaka mpe kuwaka, beto ke na kuzabisa beno yawu mpe, samu ti beno vwanda ya kukangama na beto na kintwadi yina ke na beto na Tata Nzambi mpe Yesu-Klisto, Mwana ya yandi.
Adoração como vida
Exaltai ao Senhor, prostrai-vos ante o escabelo dos seus pés. A adoração genuína transforma o adorador e agrada o Criador.
Beno kembila Yave Nzambi ya beto!
Beno yinama na mantwala ya kisika yina yandi ke tulaka makulu ya yandi!
Yandi kele Nzambi ya longo!
Bika ti yinwa ya munu kufuluka na mikunga ya nzitusu.
Bilumbu nyonso, mu ke yimbila mikunga samu na nkembo ya nge!
Kasi bantu ya kudedama ke na kuyangalala,
bawu ke na kubina na nsayi nyonso na mantwala ya Nzambi.
Bawu me fuluka na kilengi.
Beno yimbila samu na Nzambi,
beno yimbidila Nkumbu ya yandi na mikunga,
beno yidika nzila ya muntu yina ke tambulaka na zulu ya matuti, mutindu na zulu ya mpunda.
Nkumbu ya yandi Yave, beno yangalala na mantwala yandi.
Mpasi yina yandi kubikaka na kusala me bwidila yandi na yintu.
Yimbi yina yandi zolaka sala me bwidila yandi na mbunzu.
Vuukisa munu na yinwa ya nkosi,
vuukisa munu na mampoka ya mpakasa!
Nge me kuwa munu.
Mu ke zonzila Nkumbu ya nge na sika ya bampangi ya munu,
na kati ya mukangu ya bantu, mu ke kembila nge.
Mu me lambula maboko ya munu na sika ya nge,
na ntadisi ya nge, mu me kuma mutindu yinsi yina me kawuka. Kupema
Mikwa ya munu ke na kubukana,
bambeni ya munu ke na kukwamisa munu na kutuba ntangu nyonso:
«Wapi Nzambi ya nge?»
Mu ke tuba na Yave:
«Nge kele Mfumu ya munu,
nge kele kimvwama ya munu ya kulutila!»
Beno sadila Yave na buzitu,
beno yangalala na kutekita nyonso.
Mu ke kembila Yave na ntima ya munu nyonso.
Mu ke zonzila mambu nyonso ya ngitukulu yina nge me sala.
Falsa adoração
Não terás outros deuses diante de mim. Não adorarás ídolos. A adoração exclusiva ao Senhor é mandamento inegociável.
Kufukimina yawu ve, mpe kusambila yawu ve, samu ti munu Yave, Nzambi ya nge, mu kele Nzambi yina kele na kimbanda. Masumu ya batata, mu ke futisaka yawu na bana ya bawu tii na mbandu ya tatu, mpe na mbandu ya yiya ya bayina ke yinaka munu.
Beno kufukimina ve nzambi ya nkaka, kana kaka munu ve, samu ti nkumbu ya munu kele "Yave", mu kele Nzambi ya Kimbanda, ni yawu yina nkumbu ya munu kele "Yave ya Kimbanda".
Ntangu Moyize vwandaka kota na kati ya Yinzo ya Mbwabanu, dituti ya tiya ya kutelama vwandaka kulumuka mpe yawu vwandaka telama na mwelo ya Yinzo ya Mbwabanu. Na yina, Yave vwandaka zonza na Moyize. Bantu nyonso vwandaka tala dituti ya tiya yina vwandaka telama na mwelo ya Yinzo ya Mbwabanu. Na yina, bawu vwandaka telama. Bawu vwandaka fukama, konso muntu na mwelo ya yinzo ya yandi ya lele.
Ngolo ya munu ni Yave,
ni yandi mu ke yimbidila.
Yandi me vuukisa munu.
Yandi kele Nzambi ya munu,
mu ke kembila yandi.
Yandi kele Nzambi ya tata ya munu,
mu ke zangula yandi.
Nani na kati ya binzambi-nzambi kele mutindu nge, Yave?
Nani kele ya kulezima na bulongo mutindu nge?
Nge yina kele ya nsisi,
nge yina me lunga na kuzwa masiika,
nge yina ke salaka mambu ya ngitukulu?
Beno ke sadila Yave, Nzambi ya beno. Yandi ke sakumuna madya mpe maza ya beno. Yandi ke katula bimbemvo na kati-kati ya beno.
Ni na yandi beno fwana kupesa masiika. Yandi kele Nzambi ya beno. Ni yandi salaka na sika ya beno mambu nyonso ya nene mpe ya nsisi yina beno talaka na meso ya beno.
Mpe ni kuna beno fwana kudya na mantwala ya Yave Nzambi ya beno. Beno na makanda ya beno, beno ke yangalala na bima nyonso yina beno ke vwanda na yawu, yina beno ke kuzwa ntangu Yave Nzambi ya beno ke sakumuna beno.
Bawu ke na kusombola kimbanda ya yandi na kusadilaka banzambi ya nzenza.
Bawu ke na kunyongisa yandi na mambu ya bawu ya nganzi.
Bawu ke na kupesa minkayulu na bampeve ya yimbi yina kele ve Nzambi,
na banzambi yina bawu zabaka ntete ve,
- bayina me kwiza ya malu-malu, bayina me kwiza ntama ve,
bayina bankooko ya beno vwandaka zitisa ve.
Beno me yina Ditadi yina butaka beno,
Beno me manga Nzambi yina pesaka beno luzingu.
Na yina, beno fwana kusala keba. Beno kundima ve ti ba vuna beno na kulanda nzila ya yimbi. Beno kusambila ve banzambi ya nkaka. Beno kufukama ve na mantwala ya banzambi ya nkaka.
Mambu yina ke yitukisaka me manisa ve
Yave ke na kutuba: Ntangu bantu yayi ke belamaka na munu,
bawu ke na kuzitisa munu na yinwa mpe na bikoba ya bawu,
kasi bantima ya bawu kele ntama na munu,
mpe buzitu yina bawu ke na yawu samu na munu,
yawu kele kaka ntumunu yina bantu me longisa.
Yave kele kiswamunu ya bantu ya kulemba
Yave nge kele Nzambi ya munu,
mu ke kembila mpe mu ke siika nkumbu ya nge,
samu ti nge me lungisa mambu ya mbote,
nge kele ya kukwikama na lukanu yina nge bakaka katuka ntama.
Kasi Nzambi mangaka bawu, mpe bikaka ti bawu sambila binwani ya mazulu mutindu ya kele ya kusonama na dibuku ya Mimbikudi:
«"Bantu ya Isayeli!
Ni na munu ve beno pesaka minkayulu ya bibulu mpe makabu ya nkaka
ntangu beno zingaka bamvula makumi yiya na yinsi ya kuyuma.
Beno nataka yinzo ya lele ya nzambi Moloke,
mpe kifwani ya mbwetete ya nzambi ya beno Lefane.
Beno yidikaka biteki yina samu na kusambila yawu!
Ni yawu yina, mu ke nata beno ntama kulutila yinsi ya Babilone."»
Beno ndima ve ti ba semba beno na bantu yina ke sosaka na kutalana ya kukuluka, mpe ke sambilaka bambazi. Bawu ke pesaka mfunu mingi na balumoni yina bawu ke kuzwaka. Bantu ya mutindu yina kele ya kufuluka na lunangu ya mpamba na kati ya mabanza ya bawu ya kimuntu. Bawu kele ve ya kukangama na Klisto yina kele yintu ya nzutu. Ni na Klisto, nzutu nyonso ke kuzwaka madya, mpe misuni na mikwa ke vwandaka ya kuvukana mbote. Ni Nzambi ke kulisaka yawu.
Ata muntu fwana kuvuna beno na konso mutindu, samu ti kilumbu yango ke salama ve ntete bantu mingi manga Nzambi, mpe talana Muntu ya Yimbi yina Nzambi ke zimbisa. Yandi ke telama mpe ke manga bima nyonso yina bantu ke sambilaka mpe ke talaka ti ya kele ya Nzambi. Yandi ke sala yawu tii na kwenda kuvwanda na kati ya Yinzo ya Nzambi na kutuba ti ni yandi kele Nzambi.
Exemplos de adoração
Jó adorou em meio ao sofrimento. Esdras adorou na restauração. Paulo e Silas adoraram na prisão — e Deus respondeu.
Na yina, Yobi telamaka. Yandi pasulaka kiyunga ya yandi mpe yandi katulaka bansuki ya yintu. Yandi fukamaka mpe yandi kubwaka kizizi na ntoto. Yandi tubaka mutindu yayi:
«Mu basikaka mpene na kivumu ya mama ya munu,
mu ke vutuka mpe mpene binkuti.
Yave me pesa,
Yave me baka.
Bika ti Nkumbu ya Yave kukemboswa.»
Bawu vwandaka kembila mpe kutonda Yave na kutuba: «Yave kele mbote mpe luzolo ya yandi samu na Isayeli kele seko.» Dikanda mpe vwandaka looka na kyese na kukembila Yave samu ti, bitungi-bayinzo vwandaka tunga lufulu ya Yinzo ya Yave.
Yave, Mfumu, nge kele Nzambi ya nene. Mosi ve me fwanana na nge. Mambu nyonso yina beto me kuwa na makutu ya beto ke na kulakisa ti kaka ni nge, Nzambi ya nkaka kele ve.
Ata muntu kele ya longo mutindu Yave,
Nzambi ya nkaka kele ve, kaka ni nge.
Ya kele ve na ditadi ya ngolo yina ke tabilaka mutindu Nzambi ya beto.
Mpe, ba-Levi Yeswa, Kademyele, Bani, Asabeneya, Selebya, Odya, Sebanya, na Petaya, bawu tubaka: «Beno telama, beno tonda Yave, beno tonda Nzambi ya beno ya bantangu nyonso!»
Lusambulu ya nene
Ba sambilaka: «Yave, bika ti ba zitisa nkumbu ya nge ya nkembo,
nkumbu yina me lutila lusakumunu nyonso
mpe masiika nyonso!
Na yina, yinti ya fike ke buta dyaka ve.
Bayinti ya vinu ke pesa ve bambuma.
Bayinti ya olive ke buta ve.
Bilanga ke pesa ve madya.
Mameme ke vwanda dyaka ve na kati ya balupangu.
Bampaka ya bangombe ke vwanda dyaka ata na ngombe mosi ve.
Mu ke vwanda na kilengi samu na Yave,
mu ke yangalala samu na Nzambi, Muvuukisi ya munu.
Na yina, beno ke bokila munu, beno ke sala banzyetolo, beno ke sambila munu mpe munu, mu ke kuwa beno.
Beno kwiza pene-pene na Nzambi, mpe yandi ke kwiza pene-pene na beno. Beno misumuki, beno sukula maboko ya beno, mpe beno bantu ya bantima zole, beno vedisa bantima ya beno.