O adultério
O adultério é pecado grave que destrói alianças, famílias e vidas. A Bíblia condena firmemente a infidelidade conjugal e chama à pureza, fidelidade e santidade no casamento.
A lei de Deus
Não adulterarás. Quem comete adultério destrói a própria alma. A Palavra de Deus é clara e direta sobre este pecado.
Milae zu kya khyhze milae vawpaw kya na sei lan khyh.
Pise lukhakheit nynh a innpaw zu te seinaw a rae hae ze, seinaw a rae hae paw parouh mawte chia athua cih hae.
Na unopaw zu te nopi pise seinaw na rae lan khyh, tuh-e nopinung te namaw te namaw kha na thusakuh lan khyh.
Thuasalama milae zu kya
a seipaw tuh tuanaw
a hoi leipaw nynh thua;
tuhte a cyihpaw tuh amaw te amaw kha a roku.
Thuasalama milae zu kya
a seipaw tuh tuanaw
a hoi leipaw nynh thua;
tuhte a cyihpaw tuh amaw te amaw kha a roku.
Vaemaw te minthunaw kha a mue cih zah,
a maethyanaw tuh zo lan khyh.
Pawccecize a zu tungvaw
zyn leinaw kha nynh a vawpaw
thin kha riasah zah, a vawpaw nynh
he a liaru te, synkuh vae khyh.
A vawpaw nynh rungkupaw kha
lawkuh lan khyh zah,
lasung patae pya lan zemah
phe a mah cih.
maee nynh boeining kha u leite
by kya maee kha
pompaeku kho athua tou?
Tuhkhyhze maee nynh ccu kha u leite,
maee-e vawlan a cceih khopaw a um tou?
A innpaw zu kha a ikhaepaw tuh
tuhawte nynh athua;
tuh-e nopinung a typaw tuh
detahnaw mue leite um lan khyh.
Jesus ensina
Quem olhar para uma mulher com intenção impura já adulterou no coração. Jesus elevou o padrão da pureza.
" ‘Milae zu milae vawpaw kya na sei lan khyh,’ cite a ho hae paw kha na thae vae oh. Thuasalama kae hopya oh, humhung zemah nopi lu kheit kha seikhae rynaw mit te a do lanze a thinlung kya tuh-e nung kha phe a seikhae vae.
Thuasalama kae hopya oh, humhung zemah ohhuakunaw keiccu thua leite a zu kha a mya ze tuh-e nung kha milae vawpaw kya a seisahpaw nynh thua; te humhung zemah a mya hae paw nopinung kha zu lang a umkhaepaw tuh milae zu a seikhaepaw nynh thua.
Pawccecize ahoy leipaw tuanaw hae, ccungccaw chianaw, milae zu milae vawpaw seikhaenaw, ohhuakunaw, ahme leipaw ccaekiakhannaw, runaw te milae thethya honaw tuh thinlung kyate nynh yn pou.
Jesu nynh minmin kha, "Humhung zemah a zu kha mah zah ccangpaw zu a hoipaw tuh zu ccangpaw kya seinaw a raepaw nynh thua. Nopinung nynh a vawpaw kha mah zah ccangpaw vawpaw a hoi zetuh vawpaw ccangpaw kya seinaw a raenung nynh thua," a cipya hae.
"Humhung zemah a zu kha mah zah ccangpaw nopi kha zu lang a hoipaw tuh milae zu a seikhaepaw nynh thua; a vawpaw nynh a myapaw nopi kha zu lang a hoipaw tuh milae zu a seikhaepaw nynh thua.
minmin nynh Jesu kha, "Sazae, hynh-e nopinung hynh a vawpaw thua leipaw pise te a sei cciamang lya a kyng hae paw nynh thua. Kawbya kyaze Moses nynh tuhcihawpaw nopi hae kha lung te deih lan kaw oun pya. Nang nynh pawtemou na ho cih?" a cipya hae. Minmin nynh hynh-e bya a ho hae paw tuh Jesu kha seibe khylan a syntawnaw hae paw nynh thua. Thuasalama Jesu nynh bakhung zah a kuihdung te laephi kya ccaw a zei. Minmin nynh tuhcite palei a khia hae tuh, Jesu nynh lawbabin lan haung zah minmin kha, "Nanning lakuze seinaw a hoi leipaw nynh nopinung kha lung te deih ty sah," a cipya hae. Tukoute bua bakhung zah laephi kya ccaw bua a zei. Tuh-e bya he a thae hae tuh, piccan huapaw kyate tho zah lu kheit koute lu kheit a cceih vae hae; Jesu kyalya kha cciataw hae zah a malang khe nopinung tuh a thadyn. Jesu nynh lawbabin lan haung zah nopinung kha, "Nopinung, teimou a um hae? Hum nynh san sei ae be khyh tou?" a cipya. Nopinung nynh, "Hum nynh san sei yn be khyh, Bawipaw," a cipya. Jesu nynh, "Kae nynh mah sei kae be khyh; la cceih lah la sei nan vae," a cipya.
Armadilhas e consequências
Os lábios da mulher estranha destilam mel, mas o seu fim é amargo. Fuja da imoralidade — o adultério escraviza.
Pawccecize nopi hoyleipaw munglae tuh
khoitui hawte ccaw zah,
a byaho tuh chitui laeze anawpali hua,
thuasalama athangnaw kya tuh
ekhahpaw hawte khah zah,
kyng ning mawte ahepaw thaloi hawte ahe.
A ccu tuh chinaw kalan cceihbung zah,
a ccu a kawpaw tuh michi khua lang
cceihpaw laanpi kha nynh a zui.
Hiinnaw laanpi langkhe zui khyh;
a laanpi tuh vaevui zah,
aning nynh tuh-e tuh nyh khyh.
Pawccecize nopi hoyleipaw munglae tuh
khoitui hawte ccaw zah,
a byaho tuh chitui laeze anawpali hua,
thuasalama athangnaw kya tuh
ekhahpaw hawte khah zah,
kyng ning mawte ahepaw thaloi hawte ahe.
A ccu tuh chinaw kalan cceihbung zah,
a ccu a kawpaw tuh michi khua lang
cceihpaw laanpi kha nynh a zui.
Hiinnaw laanpi langkhe zui khyh;
a laanpi tuh vaevui zah,
aning nynh tuh-e tuh nyh khyh.
Te atu, ka ccaaw, ka bya hynh ngae lah,
ka khalang kya-e bya hae kha vua nan.
Tuhcihawpaw nopi kha
asawnaw te sibia lah,
a inn thuakaw pe lang naekuh nan;
tuhkhyhze tuh sawtuanaw
na ccoupaw kha ming hae kalan
na pya cih hae zah,
na hiinnaw kha thawccinaw
a hoi lei hae paw kalan na pya cih hae,
Tuhcihawpaw nopi kha
asawnaw te sibia lah,
a inn thuakaw pe lang naekuh nan;
tuhkhyhze tuh sawtuanaw
na ccoupaw kha ming hae kalan
na pya cih hae zah,
na hiinnaw kha thawccinaw
a hoi lei hae paw kalan na pya cih hae,
te ramccang hae tuh
nae hoirumnaw khate a byn cih hae zah,
na ryalawnaw mee tuh
ramccangpaw inn lang a cceih cih;
te na hiinnaw athangnaw kya tuh
daryndaryn na hawkhaekuh cih,
na ngesaw te na pyn tuh he athang te,
"Pawcce ccangpyanaw kha ka la hua zah,
ka thinlung nynh thuiheinaw kha a la theihrya!
Ka sazae hae bya kha
ka la ngae khyh zah,
yn ccangpahtu hae bya ka la ngae khyh.
Atu tuh apumkuh hae paw
zapi hae ngaelung kya
ronaw phuinccing kya nynh
ka um vae," na ci cih.
aning tuh ry lan umpaw sazuh,
apuithyapaw sazuh pinung hawte nynh thua.
A matei nynh accyh takyh kya
na lungry ae ccingsah sah;
a sungsahnaw khate zungzae la ruikhaekuh.
Ka ccapaw, pawcce ccangpaw nopi khate
na ruikhaekuh cih zah,
a ccouseikuhpaw by kha na pom cih?
pawccecize a laanpi tuh
chinaw kalan khe cceih zah,
a zuipaw laanpi tuh
michi khua langkhe nynh a ccia;
tuh-e nopinung kalan
a cceih hae paw tuh papin ki vae khyh hae,
hiinnaw laanpi kya mah
thua vae khyh hae.
Nopi hoyleipaw khalang tuh
akhupaw hunghua nynh thua;
Bawipaw nynh a thinrianuapaw
ccungccaw tuh tuh-e hunghua
lungkhu lang a ccah cih.
Ohhuakunaw kha sibia oh! Ccungccaw nynh a raepaw seinaw miakaw tuh pyn atolang nynh a um; thuasalama ohhuakunaw a raepaw tuh amaw a pyn kya a sei vae.
Kae hopya oh paw tuh, Muisaw te hiin oh lah, pynsaw rynaw kyakhe nae lungryachih nan sah. Pawccecize pynsaw rynaw tuh Muisaw rynaw te rawsekuh zah Muisaw rynaw mah pynsaw rynaw te arawsekuh; hynh-e hae tuh ccangkheit te ccangkheit arawsekuh hae; tukeiccuze na cyi ry oh paw kha na cyih khyh oh.
Pynsaw cyisahnaw hae tuh raerae a langkuh, tuh-e hae tuh: ohhuakunaw, nungsikunaw, ohhuaku rynaw; zohtuh beiknaw, naawthyanaw, huakunaw, pekunaw, eiungnaw, thinrianaw, byalungnaw, lungnging leinaw, buu phiakunaw, duaanaw, ruinaw, zu-aete siaruanaw te tuhcihawpaw cyisahnaw hae nynh thua. Langmawlya raeringnaw kae pya vae oh hawte atu mah raeringnaw bua kae pya oh: tuhcihawpaw uccaw hae a cyihpaw ccungccaw hae tuh Pachia peenaw kha ccou lan khyh hae.
Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.
Pawccecize Pachia nynh a rypaw tuh na thyaa lan oh paw kha nynh thua: nanning nynh ohhuakunaw kha na sungku nawlan oh, nanning milu raveih nynh nae pyn kha athyaapaw te sawtuapaw athua nawlan pawtemou sungku lan cipaw na ny nawlan oh, Pachia nyh leipaw Zenta hae hawte myarya ohhuaku rynaw thinlung kha hoi leite,
Zyn lan um leipaw ccungccaw hae! Laephi te vaeccawkunaw tuh Pachia ryte rhawkunaw nynh thua cipaw kha na nyh khyh oh tou? Tukeiccuze laephi te ruiban lang a tang rypaw tuh Pachia rhawpaw lang a raekuhpaw nynh thua.
A ohhuakunaw konglang te ngaesikunaw ccyh ka pya zahmah aning nynh ngaesiku lan phe mya. Dotua, amaw kha ikhung vawlan ka vua cih, te amaw ryte a seikheih hae paw kha mih cyisahnaw a ngaesiku khyh hae lanze, myarya lepaw vawsawrunaw lungkhu lang ka vua cih hae.