Agradecimento a Deus
Agradecer a Deus é louvor, adoração e reconhecimento da sua soberania. Dai graças ao Senhor porque Ele é bom — a sua misericórdia dura para sempre!
Ai kana hamin foyi la, kɔni ai ye ai makoilu fɔ Alla matara diya a ni baraka bila rɔ fen bɛɛ rɔ waati bɛɛ.
Ai la ko wa labila n ma waati si la, n di baraka bila Alla yɛ.
Ai ye mɛn bɛɛ kɛla wala ka a fɔ, ai ye wo bɛɛ kɛ Maari Isa tɔɔ rɔ, ai ye baraka bila Fa Alla yɛ a baraka rɔ.
An ye baraka bilala Alla yɛ ai bɛɛ la ko rɔ waati bɛɛ an wa kɛ Alla matarala ai yɛ. An hankili ye ai la koilu rɔ an na Alla ɲakɔrɔ, an Fa Alla, ko: ai la lemɛniya baarailu ni ai la kaninteya baarailu ni ai la tunadiya mɛn bɔnin ai jii an Maari Isa Ɲenematɔmɔnin dɔ.
N ye baraka bilala Alla yɛ ai la ko rɔ waati bɛɛ ka a masɔrɔn a ra hina ai la Isa Ɲenematɔmɔnin baraka rɔ.
Kɔni baraka ye bila Alla yɛ mɛn ka fanka sɔrɔn di an ma a la Mɔɔ Ɲenematɔmɔnin baraka rɔ an Maari Isa.
Kɔni Alla tando, mɛn ye nɔli dila an ma Ɲenematɔmɔnin dɔ, ka lɔ an ɲɛrɔ ka wa yɔrɔ bɛɛ rɔ, a ri a lɔn dajɛnsɛn an fɛ ikomin fen suma duman mɛn ye jɛnsɛnna.
Nba, Alla mɛn ye si dila sɛnɛkɛla ma a ni dɔɔnnifen, wo ri si di ai ma, ka a lasiyaya, ka ai la telenbaya baara nɔilu lawara. Ai ri kɛ fen tiilu ri ɲa bɛɛ ma, kosa ai ye to fonesereya rɔ waati bɛɛ. Wo rɔ, mɔɔ siyaman di baraka bila Alla yɛ, an wa ta ai la dinmalifenilu ri ii ma.
Nba, ai ye kuma ai ɲɔɔn yɛ Yaburi kumailu ni kalamanilu ni Alla tando kalaman sɛnimanilu rɔ, ai ye kalaman bɔ Maari yɛ, ka a tando ai jusu bɛɛ rɔ! Ai ye baraka bila an Fa Alla yɛ fen bɛɛ la ko rɔ waati bɛɛ an Maari Isa Ɲenematɔmɔnin tɔɔ rɔ.
Ai ye kolo ai ɲɔɔn ma Ɲenematɔmɔnin ɲakɔrɔsilan dɔ.
Isa ka burukala loolu ni jɛɛ fila ta, ka a ɲa layɛlɛ sankolo rɔ ka baraka bila Alla yɛ. A ka buru rakadikadi, ka a di a la karandenilu ma ko ii ye a ratala jama tɛma. A ka jɛɛ fila wo fanan ratala jama bɛɛ tɛma wo ɲa kelen ma. Mɔɔ bɛɛ ka dɔɔnnin kɛ ka ii fa. Jama bannin dɔɔnninna, Isa la karandenilu ka buru ni jɛɛ kunkundun tɔilu ladɛn, ka see tan ni fila lafa wo la.